"मतदान करा" मोहिमेतून विद्यार्थ्यांची मानव साखळी; दिला १००% मतदानाचा संदेश
विद्यार्थ्यांनी एकत्र येऊन देशाच्या नकाशाच्या आकारात उभे राहून एकतेचे आणि सामूहिक कृतीचे प्रतीक तयार केले होते.
Eduvarta
एज्युवार्ता न्यूज नेटवर्क
सावित्रीबाई फुले पुणे विद्यापीठातील संगणकशास्त्र विभागाच्या (Department of Computer Science, Savitribai Phule Pune University) विद्यार्थ्यांनी (students) मतदानाचे महत्त्व पटवून देण्यासाठी १४ नोव्हेंबर रोजी "मतदान करा” या जनजागृती मोहिमेच्या (Vote awareness campaign) तिसऱ्या दिवशी मानव साखळी (human chain) तयार करत विविध फलकांमार्फत संदेश दिला.
यावेळी विद्यार्थ्यांनी एकत्र येऊन देशाच्या नकाशाच्या आकारात उभे राहून एकतेचे आणि सामूहिक कृतीचे प्रतीक तयार केले होते. प्रत्येक मत राष्ट्राच्या प्रगतीसाठी महत्त्वाचे आहे. या उपक्रमातून विद्यार्थ्यांनी १००% मतदान करण्याचा संदेश दिला. या कार्यक्रमाने उपस्थितांचे लक्ष वेधून घेतले होते.
याप्रसंगी, मोहिमेच्या समन्वयक डॉ ज्योती यादव, विभाग प्रमुख डॉ. विनायक जोशी, नितीन पाटील, रेश्मा पिंगळे, विद्यार्थी शिक्षक व शिक्षकेतर कर्मचारी मोठ्या संख्येने उपस्थित होते.
