पुणे पुस्तक महोत्सवातून वाचक प्रेमींना मेजवानी; 14 ते 22 डिसेंबर दरम्यान फर्ग्युसन कॉलेजमध्ये आयोजन

एज्युवार्ता न्यूज नेटवर्क 

मराठी भाषेला अभिजात दर्जा मिळाला असून याबाबतची माहिती सर्वसामान्य लोकांना समजण्यासाठी एक फिल्म तयार करून यंदा पुणे पुस्तक मोहत्सवत (Pune Book Festival) दाखवण्यात यावी. तसेच मुलांसाठी चित्रपट मोहत्सव सोबतच एक पुस्तक आधारित नाटक बसविण्यात यावे.त्यातून मुलांमध्ये पुस्तकाची आवड निर्माण होईल, असा विश्वास माजी मंत्री चंद्रकांत पाटील (Minister Chandrakant Patil)यांनी व्यक्त केला. तसेच नॅशनल बुक ट्रस्टचे (National Book Trust-NBT) कार्यालय आता मुंबई येथून कायमस्वरूपी पुण्यात स्थलांतरिक्त करण्यात आले असून त्यामुळे एनबीटीचे काम आता केवळ पुणे पुस्तक मोहत्सवा पुरते राहिले नाही तर हे काम वर्षभर चालणार आहे.

राष्ट्रीय पुस्तक न्यासाच्या वतीने यावर्षीच्या येत्या 14 ते 22 डिसेंबर या कालावधीत फर्ग्युसन महाविद्यालयाच्या मैदानावर पुस्तक महोत्सवाचे आयोजन  करण्यात आले.यानिमित्ताने पुस्तक महोत्सव कार्यालयाचे उद्घाटन आणि मांडवाचे भूमिपूजन माजी मंत्री चंद्रकांत पाटील यांच्या हस्ते गुरवारी करण्यात आले.यावेळी महोत्सवाचे आयोजक राजेश पांडे , खासदार प्रा. मेधा कुलकर्णी, सावित्रीबाई फुले पुणे विद्यापीठ कुलगुरू सुरेश गोसावी, प्र - कुलगुरू पराग काळकर, एनबीटी संचालक युवराज मलिक, अध्यक्ष मिलिंद मराठे, उद्योजक कृष्णकुमार गोयल, डीक्कीचे अध्यक्ष  मिलिंद कांबळे, डीईएस अध्यक्ष प्रमोद रावत, उपाध्यक्ष अशोक पलांडे, जेष्ठ संपादक किरण ठाकूर, भाजप नेते माधव भंडारी, युवा सेना नेते किरण साळी, कुमार शंकर, सोमनाथ पाटील, प्रसेनजित फडणवीस, फर्ग्युसन महाविद्यालय प्राचार्य डॉ. विजय तडके, आरपीआय नेते मंदार जोशी, सुशील जाधव उपस्थित होते.

मेधा कुलकर्णी म्हणाल्या,पुणे पुस्तक मोहत्सव यंदा मोठ्या प्रमाणात होईल. त्यात मुलांना चित्रपट मोहत्सवासोबत कथाकथन आणि पुस्तक वाचन कट्टा निर्माण करण्यात यावा.पुण्यात हा ऐतिहासिक मोहत्सव होत असल्याचा मला अभिमान आहे.

राजेश पांडे म्हणाले, हा मोहत्सव कोण एका व्यक्तीचा नाही तर पुणेकरांचा आहे. लोकसहभाग यामध्ये महत्वाचा आहे. यावर्षी चार विश्व विक्रम करण्याचा प्रयत्न असून त्यातून चीनचे विक्रम मोडीत कडण्यात येणार आहेत. साडेसात लाख लोक मोहत्सवला यंदा भेट देतील अशी अपेक्षा आहे. अनेक व्यक्तींचा हा मोहत्सव आयोजन मध्ये सहभाग आहे. यावेळी पुणे पुस्तक मोहत्सव मध्ये ५९८ स्टॉल राहणार असून ही क्षमता तीन दिवसात भरून आणखी ८० जण स्टॉल मिळवण्याच्या प्रतीक्षेत आहे. साडेअकरा कोटीची मागील वेळी पुस्तक विक्री झाली यंदा ती दुप्पट होईल. परदेशातील लेखक देखील यंदा सहभागी होणार आहे. यंदा देखील एक लाख पुस्तके मोफत वाटप करण्यात येणार आहे.यंदाही शांतता पुणेकर पुस्तक वाचत आहे हा उपक्रम राबवला जाणार आहे.

युवराज मलिक म्हणाले, पुणे शहरात साहित्य बद्दल जागरूकता आहे.मागील वेळी पुस्तक मोहत्सव मध्ये २०० स्टॉल होते यंदा त्याची संख्या तिप्पट वाढवून ६०० झालो तरी देखील अनेकजण विचारणा करत आहे. देशातील एक क्रमांकाचा हा मोहत्सव करण्याचा आमचा प्रयत्न आहे. पुढील वेळी हा मोहत्सव परदेशात घेऊन जाण्याचा आमचा संकल्प आहे. मोहत्सवात बाळकांसाठी प्रसिद्ध चित्रपट दाखवण्यात येणार आहे.यंदा फूड फेस्टिवल देखील असणार आहे. 
कार्यक्रमाचे सूत्रसंचालन डॉ. संजय चाकाणे यांनी केले,तर प्रसेनजीत फडणवीस यांनी आभार मानले.