CUET PG 2025 : १३ ते २० मार्च दरम्यान होणाऱ्या परीक्षांचे हॉलतिकिट प्रसिद्ध

एज्युवार्ता न्यूज नेटवर्क

नॅशनल टेस्टिंग एजन्सीने (NTA) १३ ते २० मार्च दरम्यान होणाऱ्या कॉमन युनिव्हर्सिटी एन्ट्रन्स टेस्ट पोस्ट ग्रॅज्युएट (CUET PG) परीक्षेचे हॉलतिकिट (Hallticket) प्रसिद्ध केले आहे. उमेदवारांना https://exams.nta.ac.in/CUET-PG/ या अधिकृत वेबसाइटवरून आपले हॉलतिकिट डाउनलोड करता येतील. हॉलतिकिट डाउनलोड करण्यासाठी उमेदवारांना अर्ज क्रमांक आणि जन्मतारीख लॉगिन क्रेडेन्शियल्स म्हणून वापरावी लागतील.

२०२५ ची CUET PG परीक्षा १३ मार्च ते १ एप्रिल दरम्यान होणार आहे, जी विविध राज्य आणि केंद्रीय विद्यापीठांमध्ये संगणक-आधारित स्वरूपात (CBT Mode) घेतली जाईल. २० मार्च नंतर होणाऱ्या परीक्षेचे हॉलतिकिट नंतर प्रसिद्ध केले जाईल.

असे करा CUET PG २०२५ हॉलतिकिट डाउनलोड

सर्वप्रथम उमेदवारांनी https://exams.nta.ac.in/CUET-PG/ या अधिकृत वेबसाइटला भेट द्यावी. त्यानंतर CUET PG २०२५ हॉलतिकिट लिंकवर क्लिक करा. त्यानंतर अर्ज क्रमांक आणि जन्मतारीख अशी तुमची माहिती प्रविष्ट करा. त्यानंतर हॉलतिकीट स्क्रीनवर दिसेल. तुमचे प्रवेशपत्र जतन करा आणि डाउनलोड करा.

यंदा परीक्षा शुल्कात बदल

NTA ने गेल्या वर्षीच्या तुलनेत सर्व श्रेणींसाठी नोंदणी शुल्कात 200 रुपयांची वाढ केली आहे. CUET PG 2025 साठी नोंदणी करण्यासाठी सामान्य श्रेणीतील उमेदवारांना 1 हजार 400 रुपये आणि OBC-NCL/Gen-EWS अंतर्गत उमेदवारांना 1हजार 200 रुपये भरावे लागतील. अधिक माहितीसाठी उमेदवारांनी अधिकृत वेबसाईटला भेट द्यावी.