स्वायत्त महाविद्यालयांच्या यादीत आणखी एक नाव ; टिकाराम जगन्नाथ महाविद्यालयास स्वायत्तता

एज्युवार्ता न्यूज नेटवर्क 

सावित्रीबाई फुले पुणे विद्यापीठाशी(Savitribai Phule Pune University) संलग्न स्वायत्त महाविद्यालयांच्या (Autonomous Colleges)यादीत आणखी एका आणखी एका महाविद्यालयाचे नाव जोडले गेले आहे. पुणे जिल्ह्यातील खडकी शिक्षण संस्थेच्या (Khadki Education Institute)टिकाराम जगन्नाथ महाविद्यालयास (Tikaram Jagannath College)विद्यापीठाच्या विद्यापरिषदेच्या बैठकीत स्वायत्ता देण्याचा निर्णय घेण्यात आला. विद्यापीठ अनुदान आयोगाकडून आणि सावित्रीबाई फुले पुणे विद्यापीठा कडून पुढील दहा वर्षासाठी टिकाराम जगन्नाथ महाविद्यालयास स्वायत्त महाविद्यालयाचा दर्जा बहाल करण्यात आला आहे, अशी माहिती संस्थेचे अध्यक्ष कृष्णकुमार गोयल यांनी दिली.

खडकी शिक्षण संस्थेची स्थापना १९१३ मध्ये  झाली. त्यानंतर १९८३ मध्ये  तत्कालीन संस्था अध्यक्ष कायदेतज्ञ एस. के.जैन व चिटणीस स्व. अॅड. चंद्रकांत छाजेड यांच्या प्रयत्नाने टीकाराम जगन्नाथ वरिष्ठ महाविद्यालय सुरू झाले. कला, वाणिज्य व विज्ञान या शाखांमध्ये कार्यरत असलेल्या या महाविद्यालयाने माणिक महोत्सव साजरा केला,  असेही गोयल म्हणाले. 
कृष्णकुमार गोयल यांचे मार्गदर्शनाखाली संस्थेच्या सर्व शाखांच्या विकासाबरोबरच वरिष्ठ महाविद्यालयाचा परिपूर्ण विकास करण्यात आलेला आहे. तसेच महाविद्यालय स्वायत्त झाल्याने या शैक्षणिक वर्षांमध्ये बीएससी डेटा सायन्स, बीएससी इंटेरियर डिझाईन, बीएससी सायबर सिक्युरिटी अँड डिजिटल फॉरेन्सिक, बीएससी आर्टिफिशियल इंटेलिजन्स अँड मशीन लर्निंग, बीएससी  एनिमेशन, तसेच बीए इन सिव्हील सर्विसेस, बीए इन नाट्यशास्त्र हे कोर्सेस नव्याने सुरू करण्यात येत आहेत. असे महाविद्यालयाचे प्राचार्य डॉ. संजय चाकणे यांनी सांगितले. यावेळी सचिव आनंद छाजेड उपस्थित होते.

कार्यक्रमास महाविद्यालयाचे उपप्राचार्य प्रा.महादेव रोकडे, डॉ. सुचेता दळवी, प्रा राजेंद्र लेले, प्रा जुगल नाईक, डॉ काळे निलेश, डॉ. अविनाश कोल्हे तसेच परीक्षा विभागप्रमुख डॉ.डी.एम. मुपडे, डॉ. नागेंद्र जंगम, डॉ. प्रकाश पांढरपिसे, डॉ महेश बेंडभर, कार्यालय अधीक्षक श्री लक्ष्मण डामसे हे यावेळी उपस्थित होते.