४ लाख ९४ हजार शिक्षक पदांना संचमान्यता मंजुरी, माध्यमिक शिक्षण संचालकांकडून पोर्टलवर माहिती

एज्युवार्ता न्यूज नेटवर्क

राज्यातील शिक्षकांची पदे आणि संचमान्यता या दोन गोष्टींमुळे मागील काही वर्षापासून वाद सुरू आहे. मात्र, माध्यमिक शिक्षण विभागाकडून (Department of Secondary Education) नुकतीच राज्यातील ४ लाख ९४ हजार ६८२ शिक्षक पदांसाठी संचमान्यता मंजूर (Group approval approved for 4 lakh 94 thousand 682 teacher posts) करण्यात आली आहे. तर ३ हजार ६०६ पदे नामंजूर करण्यात आली आहेत. याशिवाय ४ हजार ३१५ पदांची प्रक्रिया प्रलंबित आहे. माध्यमिक शिक्षण संचालकांनी (Director of Secondary Education) याबाबत आदेश जारी करत, सर्व माहिती पहिल्यांदाच शालार्थ पोर्टलवर (Information on the Shalarth portal) सामान्यांसाठी खुली केली आहे.

२००५ च्या माहिती अधिकार कायद्यानुसार संचमान्यता माहिती यापूर्वीच सार्वजनिक करणे अपेक्षित होते. मात्र, तब्बल २१ वर्षानी माध्यमिक शिक्षण संचालकांनी मंजूर-नामंजूर पदांची माहिती सरकारी शालार्थ पोर्टलवर अद्ययावत केली आहे. या निर्णयाचे काही संघटनांनी स्वागत केले आहे, तर काही शिक्षकांनी नाराजी व्यक्त केली. ही माहिती गोपनीय आहे. त्यामुळे गोपनीय माहिती सार्वजनिक करणे चुकीचे आहे, त्यामुळे या निर्णयाचा फेरविचार करावा, असे म्हणत काही संघटनांनी निर्णयावर नाराजी व्यक्त केली आहे. 

राज्यात एकूण ५ लाख १० हजार ४८६ शिक्षक पदांपैकी ४ लाख ९४ हजार ६८२ शिक्षक पदांना संचमान्यता दिली आहे. अद्याप ४ हजार ३९४ पदांची अधिकृत जुळणी बाकी असून ७ हजार ९३७ पदांची जुळणीसंबंधित माहिती वरिष्ठ स्तरावर पाठविण्यात आली आहे. तर ३ हजार ६०६ पदे अमान्य केली असल्याची माहिती नुकतीच शिक्षण विभागाने दिली.

____________________________________________________

प्रत्येक शाळेमध्ये शिक्षण विभागाने मंजूर केलेली पदे दहा असतील आणि जर त्यापेक्षा अधिक शिक्षक संख्या असेल तर जुळणी (मॅपिंग) करताना अधिकच्या पदांना नाकारले जाते. ही महिती सार्वजनिक करणे हा निर्णय स्वागतार्ह आहे. 

महेंद्र गणपुले, माजी उपाध्यक्ष, मुख्याध्यापक संघटना