ज्युनिअर स्टेनोग्राफरसह इतर 209 पदांच्या भरतीसाठी अर्ज सुरू 

एज्युवार्ता न्यूज नेटवर्क 

केंद्रीय रस्ते संशोधन संस्था (CSIR) अंतर्गत ज्युनिअर स्टेनोग्राफर, ज्युनिअर सेक्रेटरीएट असिस्टंट (Recruitment for the post of Junior Stenographer, Junior Secretariat Assistant) पदांच्या एकूण 209 रिक्त जागा (Total 209 vacancies) भरण्यासाठी पदांनुसार पात्र असणाऱ्या उमेदवारांकडून अर्ज मागविण्यात येत आहे. अर्ज ऑनलाईन पद्धतीने करायचा आहे. अर्ज करण्याची शेवटची तारीख 21 एप्रिल 2025 (Closing date 21 April 2025) आहे. इच्छुक आणि पात्र उमेदवार सीएसआयआर चे अधिकृत संकेतस्थळ https://crridom.gov.in/ जाऊन अर्ज भरू शकतात. 

या भरती मोहिमेअंतर्गत कनिष्ठ सचिवालय सहायक पदांच्या १७७ जागा आणि कनिष्ठ स्टेनोग्राफर पदांच्या ३२ जागा भरण्यात येणार आहेत. यासाठी उमेदवाराचे वय १८ ते २८ वर्षे या दरम्यान असणे आवश्यक आहे. सामान्य आणि ओबीसी (एनसीएल) आणि ईडब्ल्यूएस उमेदवारांसाठी ५०० रुपये परीक्षा शुल्क आकारला जाणार आहे. तसेच महिला/अनुसूचित जाती/जमाती/अपंगत्व/माजी सैनिक उमेदवारांना कोणताही परीक्षा शुल्क आकारला जाणार नाही. 

ज्युनिअर स्टेनोग्राफ पदासाठी बारावी किंवा तत्सम शिक्षण झालेले असणे आवश्यक आहे. तसेच निश्चित केलेल्या विहित नियमांनुसार स्टेनोग्राफीमधील समतुल्य शिक्षण पूर्ण झालेले असणे आवश्यक आहे. तर ज्युनिअर सेक्रेटरीएट असिस्टंट 10+2 किंवा त्याच्या समतुल्य आणि संगणकाच्या प्रकारातील गती आणि DOPT ने वेळोवेळी निश्चित केलेल्या विहित नियमांनुसार संगणक कोर्स झालेला असणे आवश्यक आहे.