उच्च शिक्षण मंत्री चंद्रकांत पाटील यांच्याकडून 100 महाविद्यालयांना अचानक भेटी

एज्युवार्ता न्यूज नेटवर्क 

व्यावसायिक शिक्षणामध्ये मुलींचे प्रमाण ३६ टक्के इतके मर्यादित आहे. नवीन शैक्षणिक धोरणानुसार व्यावसायिक शिक्षणामध्ये मुलींचे प्रमाण वाढविणे, मुलींना समप्रमाणात शिक्षणाच्या व्यापक संधी प्राप्त होणे तसेच महिला सक्षमीकरणा अंतर्गत आर्थिक पाठबळा अभावी मुली उच्च शिक्षणापासून वंचित राहू नये याकरीता राज्य शासनाने उच्च शिक्षणातील मुलींना शिक्षण शुल्क व परीक्षा शुल्क माफीच्या लाभाची योजना सुरु केली आहे. मुलींना मोफत शिक्षण या योजनेची महाविद्यालय स्तरावर होत असलेल्या अंमलबजावणीच्या तपासणीसाठी थेटपणे महाविद्यालयांना भेटी देण्यास सुरुवात केली आहे. सर्वप्रथम मुंबई येथील थडोमल शहाणी अभियांत्रिकी महाविद्यालय या ठिकाणी भेट दिली असून राज्यातील सुमारे १०० वरिष्ठ महाविद्यालयांना अचानक भेटी देण्यात येणार आहेत.

याच उपक्रमाचा एक भाग म्हणून उच्च व तंत्र शिक्षण मंत्री चंद्रकांत पाटील यांनी दिनांक १४ फेब्रुवारी रोजी महाराष्ट्र एज्युकेशन सोसायटी पुणे संचलित आबासाहेब गरवारे महाविद्यालयास आकस्मिक भेट दिली. या भेटीमध्ये या योजनेचा व्यापक प्रचार, प्रसिध्दी तसेच प्रत्यक्ष अंमलबजावणी होत असताना येणाऱ्या अडी अडचणी त्यांनी जाणून घेतल्या. आबासाहेब गरवारे या वरिष्ठ महाविद्यालयामध्ये कला, विज्ञान व वाणिज्य या अभ्यासक्रमांमध्ये सुमारे ६,७०० विद्यार्थी चालू शैक्षणिक वर्षात प्रवेशित असून त्यामध्ये ३५५० इतकी विद्यार्थीनींची संख्या आहे. पात्र अधिकाधिक विद्यार्थीनींनी या योजनेचा लाभ घेतला असल्याचे दिसून आले. कायम विनाअनुदानित अभ्यासक्रमासाठी नियुक्त अध्यापकांच्या वेतनासाठी विद्यार्थ्यांकडून इतर शुल्क आकारण्यात येते. विद्यार्थ्यांवरील आर्थिक भार कमी करण्यासाठी उपाययोजनेबाबत निर्देश देण्यात आले.
राजर्षी छत्रपती शाहू महाराज शिक्षण शुल्क शिष्यवृत्ती योजनेची प्रभावी अंमलबजावणी करणेसाठी महाविद्यालय स्तरावर स्वतंत्र नोडल अधिकारी यांची नेमणूक केली असून, दर्शनी भागात तसेच सूचना फलकावर या योजनेच्या प्रचार प्रसारासाठी माहिती उपलब्ध करुन दिलेली आहे. या योजनेकरीता अर्ज दाखल करण्याची कार्यवाही अद्याप सुरु असून दि. ३१ मार्च, २०२५ पर्यंत अर्ज दाखल करण्याची मुदत आहे. याकरिता महाविद्यालय स्तरावर स्वतंत्र शिबीराचे आयोजन करुन मिशन मोडवर पात्र विद्याथीनीपर्यंत योजनेची माहिती पोहचवून महाडीबीटी पोर्टलवर अर्ज करणेकरीता प्रयत्न करण्याचे निर्देश दिले.

राजर्षी छत्रपती शाहू महाराज शिक्षण शुल्क शिष्यवृत्ती योजनेची प्रभावी अंमलबजावणी करणेसाठी महाविद्यालय स्तरावर स्वतंत्र नोडल अधिकारी यांची नेमणूक केली असून, दर्शनी भागात तसेच सूचना फलकावर या योजनेच्या प्रचार प्रसारासाठी माहिती उपलब्ध करुन दिलेली आहे. या योजनेकरीता अर्ज दाखल करण्याची कार्यवाही अद्याप सुरु असून दि. ३१ मार्चपर्यंत अर्ज दाखल करण्याची मुदत आहे. याकरिता महाविद्यालय स्तरावर स्वतंत्र शिबीराचे आयोजन करुन मिशन मोडवर पात्र विद्याथीनीपर्यंत योजनेची माहिती पोहचवून महाडीबीटी पोर्टलवर अर्ज करणेकरीता प्रयत्न करण्याचे निर्देश दिले, असे उच्च शिक्षण विभागातर्फे कळविण्यात आले आहे.