मोठी दुर्घटना : शाळेचा छत कोसळून ५ विद्यार्थ्यांचा मृत्यू, ३० जण जखमी

एज्युवार्ता न्यूज नेटवर्क

राजस्थाच्या झालावाड जिल्ह्यात भीषण दुर्घटना (A terrible disaster) घडली आहे. मागील काही तासांपासून मुसळधार पावसामुळे शाळेचा छत कोसळून (The school roof collapsed) ५ विद्यार्थ्यांचा मृत्यू (5 students died) झाल्याची माहिती समोर आली आहे. तर या दुर्घटनेत ३० पेक्षा अधिक विद्यार्थी जखमी (More than 30 students injured) आहेत. यातील काही विद्यार्थ्यांची प्रकृती अत्यंत गभीर असल्याचे सांगितले जात आहे. शाळेची प्रार्थना चालू असताना ही दुर्घटना घडली, यावेळी शाळेत जवळपास ६० पेक्षा अधिक विद्यार्थी उपस्थित होते.

मिळालेल्या माहितीनुसार, नेहमीप्रमाणे सकाळी शाळा भरली होती, विद्यार्थी शाळेच्या छताखाली प्रार्थना म्हणत असताना ही दुर्घटना घडली. त्यामुळे शाळेच्या छताखाली अनेक विद्यार्थी अडकल्याची भिती व्यक्त करण्यात येत आहे. घटनेची माहिती मिळताच नागरीकांनी तातडीने घटनास्थळी धाव घेतली. त्यानंतर लगेच मदतकार्य सुरू करण्यात आले.

CET Cell : एमबीए आणि एमसीए प्रवेशाचे वेळापत्रक जाहीर, ३१ रोजी निवड यादी

राजस्थानचे मुख्यमंत्री भजनलाल शर्मा यांनी झालावाडमधील घटनेवर तीव्र दुःख व्यक्त केले असून या घटनेची तात्काळ चौकशीचे आदेश दिले आहेत. तसेच, मदत आणि बचाव कार्यात गती आणण्याचे निर्देश प्रशासनाला दिले आहेत. शिक्षणमंत्री मदन दिलावर यांनीही जिल्हाधिकाऱ्यांशी संपर्क साधून या संपूर्ण घटनेबाबत माहिती घेतली.

स्थानिक नागरिकांनी संबंधित शाळेची इमारत आधीपासूनच जीर्ण झालेली होती आणि याबाबत प्रशासनाला अनेक वेळा तक्रार करण्यात आली होती. मात्र, याकडे प्रशासनाने दुर्लक्ष केल्यामुळे हा अपघात घडल्याचा आरोप तेथील स्थानिक नागरिकांनी केला आहे. या घटनेने संपूर्ण परिसरात हळहळ व्यक्त होत असून, मृत विद्यार्थ्यांच्या कुटुंबीयांवर दुःखाचा डोंगर कोसळला आहे.