क्रुरतेचा कळस, आधी विष पाजून मारले नंतर जाळले; मुख्याध्यापक पत्नीने शिक्षक पतीला संपवले

एज्युवार्ता न्यूज नेटवर्क            

यवतमाळ जिल्ह्यातून (Yawatmal Crime News) सर्वांना एक हादरून टाकणारी धक्कादायक घटना समोर आली आहे. सतत दारूची नशा करून मारहाण करणाऱ्या शिक्षक पतीच्या त्रासाला कंटाळून एका २३ वर्षीय मुख्याध्यापक पत्नीने त्याचा विष देऊन (Wife arrested for killing husband) जीव घेतला. त्यानंतर मृतदेहाची विल्हेवाट लावण्यासाठी विद्यार्थ्यांच्या सहाय्याने मृत जंगलात नेऊन फेकून दिला. मात्र, तो कोणाला ओळखू येवू नये म्हणून त्यावर पेट्रोल टाकून जाळण्यात आला. पोलिसांनी तपासाची चक्रे फिरवली अन् २४ तासाच्या आता आरोपींना बेड्या (Accused arrested within 24 hours) ठोकल्या. 

यवतमाळ लगत असलेल्या चौसाळा जंगल परिसरातील टिकाकापरा भागात अर्धवट जळालेल्या मृतदेहाची ओळख पटविण्याचे मोठे आव्हान पोलिसांपुढे होते. या प्रकरणाच्या तपासात शर्टच्या तुकड्यावरून खूनाचा उलगड झाला असून पोलिसांनी आरोपी पत्नीसह तीन विद्यार्थ्यांना ताब्यात घेतले आहे. 

वर्षभरापूर्वी प्रेमविवाह झालेल्या शिक्षिकेनेच मद्यपी पतीला बनाना शेकमधून वीष दिले, त्यानंतर त्याचा मृत्यू  होताच शिकवणीस येणाऱ्या तीन अल्पवयीन विद्यार्थ्यांची मदत घेत शहरालगतच्या चौसाळा येथील जंगलात मृतदेह फेकला. शिवाय दुसऱ्या दिवशी पुन्हा तिथे जात पेट्रोल ओतून पेटवून दिले. या प्रकरणी लोहारा गुन्हे शाखा पोलीस पथकाने आरोपी मुख्याध्यापिकेला अटक केली असून, कटामध्ये सहभागी असेलेल्या तीन अल्पवयीन विद्यार्थ्यांना ताब्यात घेण्यात आले आहे.

शंतनू अरविंद देशमुख असे खून झालेल्या तरुणाचे नाव आहे. निधी शंतनू देशमुख असे मारेकरी पत्नीचे नाव आहे. ते दोघेही यवतमाळच्या सुयोगनगरात वास्तव्याला होते. निधी ही एका शाळेमध्ये मुख्याध्यापिका तर शंतनू हा तिथे शिक्षक होता. वर्षाभरापूर्वी त्या दोघांनी प्रेमविवाह केला. त्यानंतर शंतनूला दारूचे व्यसन जडले. दारू पिण्यासाठी पैसे न दिल्यास तो मोबाईलमधील तिचे असशील छायाचित्र आणि व्हिडिओ व्हायरल करण्याची धमकी द्यायचा, मारहाणही करायचा. नेहमीच्या या त्रासाला कंटाळून तिने पती शंतनूचा काटा काढण्याचे ठरविले.