CBSE कडून इयत्ता 9 वी आणि 10 वी च्या विषयांचे बदलणार पॅटर्न
विद्यार्थ्यांमधील बोर्ड परीक्षेचा दबाव कमी करण्याच्या प्रयत्नांचा एक भाग म्हणून राष्ट्रीय शैक्षणिक धोरण- 2020 मध्ये असे नमूद करण्यात आले होते की, 'गणित आणि संबंधित मूल्यांकनापासून सुरू होणारे सर्व विषय दोन स्तरांवर दिले जाऊ शकतात.
eduvarta@gmail.com 
एज्युवार्ता न्यूज नेटवर्क
इयत्ता 10 वी च्या विद्यार्थ्यांमधील गणिताची भीती कमी करण्यासाठी, सीबीएसई बोर्डाने गणिताचे बेसिक आणि advanced असे दोन स्तर सुरू केले होते. त्याच धर्तीवर मंडळातर्फे विज्ञान आणि सामाजिक शास्त्रांचे स्टँडर्ड आणि advanced असे दोन स्तर सुरू केले जाणार आहेत. मीडिया रीपोर्टनुसार CBSE बोर्ड शैक्षणिक सत्र 2026-27 पासून इयत्ता 9 वी आणि 10 वी च्या अभ्यासक्रमात हा बदल करणार आहे.
सीबीएसईच्या अभ्यासक्रम समितीच्या नुकत्याच झालेल्या बैठकीत हे विषय दोन स्तरांवर लागू करण्याचा निर्णय घेण्यात आला. सीबीएसई नियामक मंडळाने या संदर्भात अंतिम मंजुरी देणे आवश्यक आहे.मात्र, ही मंजूरी अद्याप मिळालेली नाही.
विद्यार्थ्यांमधील बोर्ड परीक्षेचा दबाव कमी करण्याच्या प्रयत्नांचा एक भाग म्हणून राष्ट्रीय शैक्षणिक धोरण- 2020 मध्ये असे नमूद करण्यात आले होते की, 'गणित आणि संबंधित मूल्यांकनापासून सुरू होणारे सर्व विषय दोन स्तरांवर दिले जाऊ शकतात, ज्यामध्ये विद्यार्थी काही विशिष्ट विषय स्टँडर्ड स्तरावर घेतील आणि काही advance लेवल निवडतील.'
