स्टाप सिलेक्शन कमिशन २०२६ संभाव्य परीक्षांचे वेळापत्रक जाहीर

एज्युवार्ता न्युज नेटवर्क 

कर्मचारी निवड आयोगाने (SSC) २०२६-२७ साठी संपूर्ण एसएससी कॅलेंडर २०२६ प्रसिद्ध (SSC Calendar 2026 released) केले आहे. एसएससी दरवर्षी एसएससी परीक्षा कॅलेंडर प्रकाशित करते, ज्यामध्ये एसएससी भरतीद्वारे भरल्या जाणाऱ्या विविध पदांसाठी अधिसूचना जारी (Notification issued) करण्याच्या तारखा, ऑनलाइन अर्ज करण्याचे वेळापत्रक आणि अंदाजित परीक्षेच्या तारखांचा तपशील असतो. विविध राष्ट्रीय-स्तरीय एसएससी परीक्षांचे वेळापत्रक असलेली एसएससी कॅलेंडर २०२६ पीडीएफ अधिकृत एसएससी वेबसाइटवर उपलब्ध करून दिली आहे. 

हेही - मुक्त विद्यापीठ : पुढे ढकलण्यात आलेल्या पेपरच्या परीक्षा २२, २३, २४ आणि २५ जानेवारीला होणार

कर्मचारी निवड आयोगाने (SSC) CGL, CHSL, MTS, JE, सिलेक्शन पोस्ट, दिल्ली पोलीस आणि CAPF मधील उपनिरीक्षक, स्टेनोग्राफर, GD कॉन्स्टेबल आणि इतर अनेक परीक्षांसह विविध राष्ट्रीय-स्तरीय परीक्षांचे वेळापत्रक दर्शवणारे अपलोड केली आहे. जे उमेदवार आगामी एसएससी परीक्षांची तयारी करत आहेत किंवा पुढील वर्ष २०२६-२७ मध्ये होणाऱ्या परीक्षांची तयारी करण्याची योजना आखत आहेत, त्यांना आपली तयारी सुरळीत करण्यासाठी या परीक्षा कॅलेंडरचा उपयोग होणार आहे. 

दरवर्षी, एसएससी १०वी उत्तीर्ण, १२वी उत्तीर्ण आणि पदवीधर उमेदवारांसाठी ८० हजार पेक्षा जास्त रिक्त जागा जाहीर करते. लाखो एसएससी इच्छुक उमेदवार, १०वी, १२वी आणि पदवी पूर्ण केल्यानंतर, एसएससी परीक्षांद्वारे विविध सरकारी क्षेत्रांमध्ये नोकरी मिळवण्यासाठी विविध परीक्षा देतात. त्यांना या वेळापत्रक पाहून परीक्षांचा योग्य अभ्यास करता येणार आहे.