'व्हॅलेंटाईन डे'ला शिक्षकानेच केले नववीच्या विद्यार्थिनीला प्रपोज
इयत्ता नववीत शिकणाऱ्या अल्पवयीन विद्यार्थिनीला एका शिक्षकानेच ‘प्रपोज' करून तिचा विनयभंग केल्याचा प्रकार समोर आला आहे. याप्रकरणी पीडित मुलीच्या फिर्यादीवरून कराड शहर पोलीस ठाण्यात संबंधित शिक्षकाविरुद्ध गुन्हा दाखल करण्यात आला आहे.
eduvarta@gmail.com 
एज्युवार्ता न्यूज नेटवर्क
गुरु शिष्याच्या नात्याला काळीमा फासणारी एक संतापजनक घटना सातारा जिल्ह्यात मलकापूर येथील एका शाळेत घडली आहे. व्हॅलेंटाईन डे (Valentine's Day) च्या दिवशी शिक्षकानेच विद्यार्थिनीला प्रपोज (The teacher proposed to the student) केल्याचा प्रकार उघडकीस आला आहे. याप्रकरणी काल कराड शहर पोलीस ठाण्यात (Karad city police registered a case) गुन्हा नोंद करण्यात आला आहे. या धक्कादायक घटनेने सर्वत्र खळबळ उडाली असून पालकांमध्ये भीतीचे वातावरण निर्माण झाले. तसेच संबंधित शिक्षकावर कडक कारवाई करण्याची मागणी (Demand for strict action against the teacher) केली जात आहे.
हेही वाचा - CBSE चा मोठा निर्णय! १०वी ची पहिली बोर्ड परीक्षा चुकवणाऱ्यांना, दुसऱ्या परीक्षेला बसता येणार नाही
प्राथमिक माहितीनुसार, शिक्षण क्षेत्राला काळीमा फासणारी घटना सातारा जिल्ह्यात कराड तालुक्यातील मलकापूर शहरात व्हॅलेंटाईन डे म्हणजे १४ फेब्रुवारी घडली आहे. इयत्ता नववीत शिकणाऱ्या अल्पवयीन विद्यार्थिनीला एका शिक्षकानेच ‘प्रपोज' करून तिचा विनयभंग केल्याचा प्रकार समोर आला आहे. याप्रकरणी पीडित मुलीच्या फिर्यादीवरून कराड शहर पोलीस ठाण्यात संबंधित शिक्षकाविरुद्ध गुन्हा दाखल करण्यात आला आहे.
मलकापूर शहरातील एका शाळेत पीडित मुलगी नववीच्या वर्गात शिक्षण घेत आहे. 14 फेब्रुवारी रोजी सकाळी साडेदहाच्या सुमारास संबंधित शिक्षकाने विद्यार्थिनीला वर्गाबाहेर बोलविले होते. भीतीपोटी मुलगी तीन मैत्रिणींना सोबत घेऊन बाहेर गेली. मात्र शिक्षकाने इतर तिघींना वर्गात पाठवून पीडित मुलीला थांबवले.
'मी तुला चार दिवस बोलवत होतो, तू का आली नाहीस? रात्री तीन वाजता व्हॉट्स ॲपवर ऑनलाईन का असतेस? मी तुझ्यावर प्रेम करतो,' असे म्हणत तिचा हात पकडल्याचा आरोप आहे. घाबरलेल्या मुलीने हात झटकून वर्गात धाव घेतली. ही घटना तिने मैत्रिणी व कुटुंबीयांना सांगितल्यानंतर कुटुंबीयांनी पोलीस ठाण्यात धाव घेतली. त्यानंतर आता काल या प्रकरणी कराड शहर पोलीस ठाण्यात संबंधित शिक्षकाविरुद्ध गुन्हा दाखल करण्यात आला आहे.
