'या' खेळाडूंना दिली जाणार क्रीडा शिष्यवृत्ती, विद्यार्थ्यांना मिळणार आर्थिक साहाय्य  

एज्युवार्ता न्यूज नेटवर्क 

पुणे शहरातील ज्या खेळांडू विद्यार्थ्यांनी राज्य, राष्ट्रीय, आंतरराष्ट्रीय क्रीडा (State, National, International Sports player student) स्पर्धामध्ये चांगली कामगिरी केली अशा विद्यार्थ्यांना क्रीडा शिष्यवृत्ती (Sports scholarships) देण्यात येणार आहे. या निर्णयामुळे खेळाडू विद्यार्थ्यांना (Sports player) मोठा आर्थिक साहाय्य मिळणार आहे. पुणे महानगरपालिकेकडून (Pune Municipal Corporation) सुधारित क्रीडा धोरण २०१८ नुसार प्रतिवर्षी क्रीडा शिष्यवृत्ती देण्यात येत आहे. त्यानुसार पुणे शहरातील ३४४ खेळाडूंना शिष्यवृत्ती दिली जाणार आहे. वेगवेगळ्या १० गटांसाठी ही शिष्यवृत्ती दिली जाते. त्यासाठी ८७ लाख २० हजारांचा खर्च करण्याच्या प्रस्तावाला स्थायी समितीने मंजूरी दिली आहे. 

पुणे महापालिका २०२४-२५ या आर्थिक वर्षी क्रीडा शिष्यवृत्ती देण्यासाठी मागील दोन वर्षांची खेळाडूंची कामगिरी लक्षात घेऊन क्रीडा शिष्यवृत्ती देण्याची कार्यवाही क्रीडा विभागामार्फत करण्यात येणार आहे. त्यासाठी जाहिरात देऊन खेळाडूंकडून अर्ज मागवून विहित अटी व शर्तीनुसार पात्र  ठरलेल्या खेळाडूंना क्रीडा शिष्यवृत्ती देण्यात येणार आहे. 

दिलेल्या मुदतीत शिष्यवृत्तीसाठी एकूण ७४३ अर्ज प्राप्त झाले होते. क्रीडा विभागाकडून प्राप्त अर्जाची छाननी केल्यानंतर क्रीडा शिष्यवृत्तीसाठी ३४४ खेळाडू अर्जदार पात्र ठरले आहेत. क्रीडा विभागाकडून पात्र व अपात्र अर्जदारांची यादी तयार करण्यात आली असून, खेळाडूंना शिष्यवृत्ती देण्यात येणार आहेत. वेगवेगळ्या १० गटांसाठी ही शिष्यवृत्ती दिली जाते. ही रक्कम १० हजारांपासून ५० हजार पर्यंत आहे. त्यासाठी महापालिकेला ८७ लाख २० हजारांचा खर्च येणार आहे. क्रीडा शिष्यवृत्ती देण्याच्या निर्णयामुळे खेळाडूंना प्रोत्साहन मिळू शकेल आणि त्यांच्या गुणवत्तापूर्ण कामगिरीसाठी प्रेरणा मिळेल. त्यामुळे खेळाडूंनी समाधान व्यक्त केले आहे