10th, 12th Exam : खेळाडू विद्यार्थ्यांचा वाढीव गुणाचा प्रस्ताव पाठवा 

एज्युवार्ता न्यूज नेटवर्क 

दरवर्षी माध्यमिक शालान्त प्रमाणपत्र (इ. १० वी) व उच्च माध्यमिक प्रमाणपत्र (इ. १२ वी) परीक्षेस (10th, 12th board exams) प्रविष्ट होणाऱ्या खेळाडू विद्यार्थ्यांना तसेच एन.सी.सी., स्काऊट गाईड (Sports student, NCC, Scout guide) मधील विद्यार्थ्यांना शासन निर्णयानुसार सवलतीचे वाढीव गुण (Discounted points) देण्यात येतात. त्या अनुषंगाने फेब्रुवारी-मार्च २०२५ मध्ये परीक्षेत (February-March 2025 Exam) सहभागी विद्यार्थ्यांचा वाढीव गुणांचा प्रस्ताव पाठवण्याचे आदेश महाराष्ट्र राज्य माध्यमिक व उच्च माध्यमिक शिक्षण मंडळाने (Maharashtra State Board of Secondary and Higher Secondary Education) विभागीय मंडळे व सर्व शिक्षणधिकारी, जिल्हा क्रीडा अधिकारी यांना दिले आहेत. 

शासन निर्णयानुसार जिल्हा क्रीडा अधिकारी यांचेकडून क्रीडा प्रस्ताव तसेच एन.सी.सी., स्काऊट गाईड इत्यादी प्रस्ताव शिक्षणाधिकारी (माध्यमिक) यांचेकडून दरवर्षी विभागीय मंडळाकडे ३० एप्रिल पर्यंत सादर केले जातात. मात्र, शैक्षणिक वर्ष २०२४-२०२५ या वर्षात दहावी व बारावीच्या परीक्षा नेहमीपेक्षा १० दिवस आधी आयोजित करण्यात आल्या आहेत. तसेच परीक्षांचा निकाल हा १५ मे २०२५ पर्यंत जाहीर करण्याचा शिक्षण मंडळाचा मानस आहे. त्यामुळे फेब्रुवारी-मार्च २०२५ परीक्षेतील खेळाडू विद्यार्थ्यांचे प्रस्ताव जिल्हा क्रीडा अधिकारी यांनी १५ एप्रिल २०२५ पर्यंत संबंधित विभागीय मंडळाकडे ऑनलाईन पध्दतीने पाठवावयाचे आहेत. 

तसेच एन.सी.सी., स्काऊट गाईड चे प्रस्ताव शिक्षणाधिकारी (माध्यमिक) यांनी विभागीय मंडळांकडे प्रचलित पध्दतीने १५ एप्रिल २०२५ पर्यंत पाठवावयाचे आहेत. तरी याबाबत सर्व जिल्हा क्रीडा अधिकारी, सर्व शिक्षणाधिकारी (माध्यमिक) व उच्च माध्यमिक शाळा/कनिष्ठ महाविद्यालये मुख्याध्यापक / प्राचार्य, शिक्षक, विद्यार्थी, पालक, व सर्व संबंधित घटकांनी वरील बाबींची नोंद घेऊन त्याप्रमाणे उचित कार्यवाही करावी, असे आदेश देण्यात आले आहेत.