मुक्त विद्यापीठातील सर्व अभ्यासक्रमाचे निकाल ३० दिवसांच्या आत जाहीर
उन्हाळी शिक्षणक्रमांसाठी, २७९ सत्र निहाय परीक्षांना ४ लाख ६७ हजार ४४९ विद्यार्थी प्रविष्ट झाले. महाराष्ट्रातील ५७९ परीक्षा केंद्रांवर ऑनलाइन आणि गोपनीय पद्धतीने १३४३ प्रश्नपत्रिका वेळेत पोहोचवून परीक्षा पार पडल्या. नोंदणी झालेल्या २७ लाख २४ हजार ९४२ उत्तरपत्रिकांपैकी परीक्षा झाल्यानंतर उपस्थित विद्यार्थ्यांच्या २३ लाख ५० हजार ३१८ उत्तरपत्रिका तपासून वेळेत निकाल लावण्याचे आव्हान होते.
eduvarta@gmail.com 
एज्युवार्ता न्यूज नेटवर्क
यशवंतराव चव्हाण महाराष्ट्र मुक्त विद्यापीठाने (Yashwantrao Chavan Maharashtra Open University) जवळपास सर्वच अभ्यासक्रमाचे निकाल केवळ ३० दिवसांच्या आत जाहीर (Results announced) केले आहेत. त्यामुळे विद्यार्थ्यांमध्ये समाधानाचे वातावरण पाहायला मिळत आहे. शैक्षणिक वर्षे २०२४-२५ च्या उन्हाळी सत्र परीक्षा (Summer semester exam) २७ ते १६ या कालावधीत घेण्यात आल्या होत्या. या परीक्षेत जवळपास साडे चार लाखांपेक्षा अधिक विद्यार्थी समाविष्ट झाले होते. या सर्व विद्यार्थ्यांचे लक्ष निकालाकडे लागले होते.
उन्हाळी शिक्षणक्रमांसाठी, २७९ सत्र निहाय परीक्षांना ४ लाख ६७ हजार ४४९ विद्यार्थी प्रविष्ट झाले. महाराष्ट्रातील ५७९ परीक्षा केंद्रांवर ऑनलाइन आणि गोपनीय पद्धतीने १३४३ प्रश्नपत्रिका वेळेत पोहोचवून परीक्षा पार पडल्या. नोंदणी झालेल्या २७ लाख २४ हजार ९४२ उत्तरपत्रिकांपैकी परीक्षा झाल्यानंतर उपस्थित विद्यार्थ्यांच्या २३ लाख ५० हजार ३१८ उत्तरपत्रिका तपासून वेळेत निकाल लावण्याचे आव्हान होते.
पॉलिटेक्निकच्या दुसऱ्या फेरीची अंतिम गुणवत्ता यादी जाहीर
याचा सामना करण्यासाठी विद्यापीठाने अत्याधुनिक स्कॅनिंग पद्धतीचा अवलंब केला. महाराष्ट्रभरातील १०९ ऑनलाइन मूल्यमापन केंद्रांवर नियुक्त परीक्षकांची बायोमेट्रिक ऑथेन्टिकेशन आणि फेस डिटेक्शनच्या आधारे उत्तर पत्रिकांचे मूल्यमापन केले. विद्यार्थ्यांना त्यांच्या निकालासाठी जास्त वाट पाहावी लागत होती, परंतु आता ही प्रक्रिया जलद करण्याचा प्रयत्न विद्यापीठाकडून केला जात आहे. त्यामुळे विद्यार्थ्यांना वेळेवर माहिती मिळेल आणि त्यांची गैरसोय होणार नाही.
