महवितरण विद्युत सहाय्यक पदभरतीची निवड यादी जाहीर

एज्युवार्ता न्यूज नेटवर्क

महाराष्ट्र राज्य विद्युत वितरण कंपनीमध्ये (Maharashtra State Electricity Distribution Company) सरळसेवा भरती अंतर्गत विद्युत सहाय्यक पदाकरीता (Electrical Assistant Post Recruitment) कंपनीच्या संकेतस्थळावर जाहिरात प्रसिध्द करण्यात आली. सदर जाहिरातीकरीता अर्ज प्राप्त झालेल्या उमेदवारांची वस्तुनिष्ठ स्वरुपाची ऑनलाईन क्षमता चाचणी २० ते २२ मे २०२५ या कालावधीत घेण्यात आली. त्यानंतर आता या परीक्षेचा निकाल आज प्रसिध्द (Results published) करण्यात आला आहे. त्यामुळे गेल्या दोन महिन्यांपेक्षा अधिक काळ निकालाच्या प्रतीक्षेत असलेल्या विद्यार्थ्यांना दिलासा मिळाला आहे.

तीन वर्ष LLB अभ्यासक्रम प्रवेशाचे वेळापत्रक सीईटी सेलकडून जाहीर

महाराष्ट्र राज्य वीज वितरण कंपनीने ३१ जुलै २०२५ रोजी www.mahadiscom.in या अधिकृत वेबसाइटवर पीडीएफ स्वरूपात एमएसईडीसीएल विद्युत सहाय्यक निकाल २०२५ जाहीर केला आहे. निकालासोबतच, श्रेणीनिहाय एमएसईडीसीएल विद्युत सहाय्यक कट ऑफ मार्क्स देखील जाहीर करण्यात आले आहेत. परीक्षेत बसलेले हजारो उमेदवार या यादीतून थेट कट-ऑफ मार्क्ससह एमएसईडीसीएल विद्युत सहाय्यक निकाल पाहू शकतात.

विद्युत सहाय्यक भरतीसाठी ऑब्जेक्टिव्ह प्रकारची ऑनलाइन पात्रता चाचणी २० ते २२ मे या कालावधीत राज्यभरातील विविध परीक्षा केंद्रांवर घेण्यात आली. विद्युत सहाय्यक या परीक्षेत बसलेले उमेदवार आता उपलब्ध करून दिलेली पीडीएफ डाउनलोड करून त्यांची पात्रता स्थिती तपासू शकतात. निकालात उमेदवारांचे नाव, रोल नंबर, मिळालेले गुण आणि पात्रता स्थिती (उत्तीर्ण किंवा अनुत्तीर्ण) आहे इत्यादी गोष्टी देण्यात आल्या आहेत. या उमेदवारांचे स्कोअरकार्ड १ ऑगस्ट २०२५ रोजी ऑनलाइन अपलोड केले जाईल.