मुलींनो हवे ते शिक्षण घ्या, खर्चाची जबाबदारी आमची; अजित पवार 

एज्युवार्ता न्यूज नेटवर्क 

आमच्या खुप मुली अशा आहेत. ज्या मायनाॅरिटीत येतात, ओपन कॅटेगिरीत येतात, ओबीसीत येतात. अशा वेगवेगळ्या कॅटेगिरीत ज्या मुली (Girls of different categories) येतात त्यांच्या घरची परिस्थिती बेताची असते. घरच्या परिस्थितीमुळे ते त्यांच्या मुलींला जास्तीत जास्त १२ वी पर्यंतचे शिक्षण (Education upto 12th standard) देतात. मात्र, आता पुढील काळात मुलींनो हवं त्या क्षेत्रात शिक्षण घ्या. खर्चाची काळजी तुम्ही करू नका. ते सरकार म्हणून (All the fees of the girls will be paid by the government) आम्ही बघू, असे महत्त्वाचे विधान राज्याचे उपमुख्यमंत्री अजित पवार (Deputy Chief Minister Ajit Pawar) यांनी केले आहे. 

अजित पवार नाशिक जिल्ह्यातील मालेगाव येथे जनसन्मान यात्रेच्या निमित्ताने आज शाळकरी विद्यार्थीनींशी संवाद साधत होते. त्यावेळी त्यांनी हे महत्त्वाचे विधान केले आहे. चांगल्या दर्जाचं शिक्षण सर्व समाज घटकातील मुलींना मिळावं यासाठी ज्यांची आर्थिक परिस्थिती कमकुवत आहे, अशा माझ्या भगिनींच्या शिक्षणाचा संपूर्ण खर्च सरकार उचलणार आहे, असे ते म्हणाले. 

बारावीनंतर पालक विचार करतात की, इंजिनियरिंगची फी, डाॅक्टरकीची फी, सीएची फी, समजा कुणाला आयएएस बनायचंय कुणाला आयपीएस बनायचंय, कुणाला लाॅयर बनायचंय, कुणाला पायलट बनायचंय, जे काही राज्यातील मुलींना बनायचंय ते त्यांनी बनावे. आम्ही यंदाचे जे शैक्षणिक वर्ष सुरू झाले आहे. तेव्हापासून राज्यात जी कोणी मुलगी काॅलेजचं शिक्षण करू इच्छिते कुठलंही शिक्षण ज्यामध्ये तिला इंटरेस्ट आहे, त्या शिक्षणाचा खर्च महाराष्ट्र सरकार करणार, यावेळी उपमुख्यमंत्री अजित पवार म्हणाले.