मोझे काॅलेज मधील स्मार्ट इंडिया हॅकॅथाॅन स्पर्धेतून पाच संघाची राष्ट्रीय स्तरावर निवड

एज्युवार्ता न्यूज नेटवर्क

महाविद्यालयातील विद्यार्थ्यांना राष्ट्रीय स्तरावर विविध स्पर्धेत सहभागी होता यावा, यासाठी पुण्यातील पार्वतीबाई गेनबा मोझे कॉलेज ऑफ इंजिनिअरिंग, (Parvatibai Genba Moze College of Engineering) वाघोली येथे 'स्मार्ट इंडिया हॅकॅथॉन २०२५' च्या (Smart India Hackathon 2025) अंतर्गत फेरीचे आयोजन करण्यात आले होते. या स्पर्धेत नाविन्यपूर्ण कामगिरी करणाऱ्या ५ संघांची पुढील फेरीसाठी निवड (5 teams selected for the national round)  करण्यात आली असून ते राष्ट्रीय स्तरावर महाविद्यालयाचे प्रतिनिधित्व करणार असल्याची माहिती महाविद्यालय प्रशासनाने दिली आहे.

प्राध्यापकाने वैद्यकीय सुट्टी घेतली, विद्यापीठाने सेवासमाप्तीच केली

'स्मार्ट इंडिया हॅकॅथॉन स्पर्धेच्या सुरुवातीला सहभागी संघांनी त्यांच्या अभिनव कल्पनांवर आधारित प्रकल्पांचे सादरीकरण केले. प्रत्येक संघाच्या मेहनतीने परीक्षक प्रभावित झाले. आयोजकांच्या मते, या स्पर्धेमुळे विद्यार्थ्यांना त्यांच्या कल्पनांना प्रत्यक्षात आणण्याची तसेच उद्योग आणि समाजाच्या समस्या सोडवण्यासाठी नाविन्यपूर्ण उपाय शोधण्याची संधी मिळते.'स्मार्ट इंडिया हॅकॅथॉन २०२५' या कार्यक्रमाला मुख्य अतिथी डॉ. सोमनाथ कोलगिरी यांनी उपस्थित राहून विद्यार्थ्यांना मार्गदर्शन केले. हा उपक्रम डॉ. रितेश सुधाकर फेगडे यांच्या मार्गदर्शनाखाली यशस्वीपणे पार पडला.

स्मार्ट इंडिया हॅकॅथॉन २०२५ विषयी ही भारत सरकारच्या शिक्षण मंत्रालयाच्या इनोव्हेशन सेलतर्फे आयोजित राष्ट्रीय स्तरावरील स्पर्धा असून विद्यार्थ्यांना प्रत्यक्ष समस्यांचे निराकरण करणारे सॉफ्टवेअर व हार्डवेअर सोल्युशन्स विकसित करण्याची संधी मिळते. देशभरातील हजारो विद्यार्थी या उपक्रमात सहभागी होतात. या अंतर्गत फेरीत सहभागी झालेल्या अनेक संघांपैकी ५ संघांची निवड झाली असून त्यांचे विशेष अभिनंदन करण्यात आले. हे संघ आता राष्ट्रीय स्तरावर महाविद्यालयाचा झेंडा उंचावतील, अशी इच्छा महाविद्यालय प्रशासनाकडून व्यक्त करण्यात आली आहे.