१७ नंबर फाॅर्म भरून बोर्डाची परीक्षा देण्यासाठी १५ सप्टेंबरपर्यंत मुदत

एज्युवार्ता न्यूज नेटवर्क

महाराष्ट्र राज्य माध्यमिक व उच्च माध्यमिक शिक्षण मंडळातर्फे (Maharashtra State Board of Secondary and Higher Secondary Education) खासगीरीत्या फाॅर्म १७ भरून (Exam by filling Form 17) घेण्यात येणाऱ्या इयत्ता दहावी आणि बारावी परीक्षेच्या (10th and 12th grade students) नाव नोंदणीला १५ सप्टेंबरपर्यंत मुदतवाढ (Registration deadline extended until September 15) देण्यात आली आहे. त्यामुळे अद्याप अर्ज न केलेल्या विद्यार्थ्यांसाठी ही मोठी संधी प्राप्त झाली आहे. जे विद्यार्थी नियमित शाळेत जाऊ शकत नाहीत, किंवा शिक्षण घेऊ शकत नाहीत तसेच ज्यांचे शिक्षण अर्धवट राहिले त्यांच्यासाठी ही सुवर्णसंधी आहे. यापुर्वी देण्यात आलेली मुदत ३१ ऑगस्ट रोजी संपुष्टात येण्यापूर्वीच शिक्षण मंडळाने मुदतवाढीचा निर्णय घेतला आहे.

मोझे काॅलेज मधील स्मार्ट इंडिया हॅकॅथाॅन स्पर्धेतून पाच संघाची राष्ट्रीय स्तरावर निवड

फाॅर्म १७ भरून विद्यार्थ्यांना थेट दहावी किंवा बारावीची परीक्षा देता येणार आहे. त्यासाठी शाळा सोडल्याचा दाखल्याची मूळ प्रत, नसल्यास द्वितीय प्रत व प्रतिज्ञापत्र, आधारकार्ड, स्वतःचा पासपोर्ट आकाराचा फोटो ही कागदपत्रे आवश्यक असल्याचे सांगण्यात आले आहे. दहावी आणि बारावीसाठी नोंदणी शुल्क १ हजार ११० रुपये, प्रक्रिया शुल्क १०० रुपये तसेच विलंब शुल्क १०० रुपये आहे. विद्यार्थ्यांनी नावनोंदणी अर्ज व नियमित शुल्क ऑनलाइन भरून अर्जाची प्रिंटआउट, ऑनलाइन नावनोंदणी शुल्क जमा केल्याबाबत पोचपावतीची प्रिंटआउट व मूळ कागदपत्रे अर्जावर नमूद केलेल्या शाळेत किवा कनिष्ठ महाविद्यालयात जमा करण्याची मुदत १५ ऑगस्ट सप्टेंबर आहे.

माध्यमिक व उच्च माध्यमिक शिक्षण मंडळाचे अधिकृत संकेतस्थळ http://www.mahahsscboard.in वर ऑनलाइन नोंदणी करा. त्यापूर्वी ज्या शाळा, कनिष्ठ महाविद्यालयातून परीक्षा द्यायची आहे. त्या शाळा अथवा कनिष्ठ महाविद्यालयात जाऊन त्यांचा सांकेतिक क्रमांक, विषय योजना, माध्यम, शाखा व इतर आवश्यक माहिती घ्या. संकेतस्थळावरील स्टुडंट कॉर्नरवरील सूचनांची अंमलबजावणी करा. सर्व आवश्यक कागदपत्रे स्कॅनर, मोबाइलद्वारे पीडीएफ काढून अपलोड करा. दिलेल्या पत्त्यानुसार जिल्हा, तालुका निवडलेल्या माध्यमानुसार येणाऱ्या शाळांच्या यादीतून एका शाळेची निवड करा.

जे नियमित शिक्षण घेऊन शकत नाहीत, ज्यांची शाळा अर्थातच सुटली असे विद्यार्थी. तसेच, महाराष्ट्र राज्य मुक्त विद्यालय मंडळामार्फत इयत्ता पाचवी किंवा इयत्ता आठवी उत्तीर्ण विद्यार्थ्यांना इयत्ता दहावीसाठी खासगी विद्यार्थी म्हणून फॉर्म नंबर १७ भरून नावनोंदणी करता येते. अर्धवट शिक्षण राहिलेल्यांसाठी ही चांगली संधी असल्याचे संबंधितांकडून यावेळी सांगण्यात आले.