LIC मध्ये नोकरीची मोठी संधी,; ८४१ पदांसाठी मेगाभरती सुरू

एज्युवार्ता न्यूज नेटवर्क

नोकरीच्या शोधात असलेल्या तरुणांसाठी महत्त्वाची बातमी समोर आली आहे. भारतीय जीवन विमा महामंडळाने  (LIC) विविध पदांसाठी ८४१ जागांसाठी मेगा भरतीसाठी जाहिरात प्रसिद्ध केली आहे. त्यानुसार इच्छुक आणि पात्र उमेदवार ऑनलाईन पद्धतीने अर्ज करू (Apply online Start) शकतात. एलआयसी चे अधिकृत संकेतस्थळ https://licindia.in/ वर जाऊन अर्ज करता येणार आहे.  अर्ज करण्याीची अंतिम मुदत ८ सप्टेंबर पर्यंत (Deadline is September 8th) देण्यात आली आहे. 

या भरती मोहिमेअंतर्गत एकूण 841 पदे भरल्या जाणार आहे. भरती अंतर्गत सहाय्यक अभियंता (Assistant Engineers) ८१ पदे, सहाय्यक प्रशासकीय अधिकारी (AAO) ४१९ पदे, विशेषज्ञ आणि सहाय्यक प्रशासकीय अधिकारी (AAO-जनरलिस्ट) ३५० पदांसाठी अर्ज मागविण्यात आले आहेत.

वरील पदांसाठी अर्ज करू इच्छिणाऱ्या उमेदवारांनी शैक्षणिक पात्रता आणि वयोमर्यादा तपशीलवार अधिसूचनेत तपासावी. एससी/एसटी/PwBD उमेदवारांसाठी अर्ज शुल्क 85 रुपये + ट्रान्सॅक्शन चार्जेस + जीएसटी आहे. इतर सर्व उमेदवारांसाठी अर्ज शुल्क 700 रुपये + ट्रान्सॅक्शन चार्जेस + जीएसटी आहे.

सहाय्यक प्रशासकीय अधिकाऱ्यांच्या निवड प्रक्रियेत पूर्व परीक्षा, मुख्य परीक्षा आणि मुलाखत तसेच पूर्व-भरती वैद्यकीय तपासणी अशा तीन टप्प्यांचा समावेश असेल. पूर्व परीक्षेत मिळालेले गुण अंतिम निवड यादी तयार करण्यासाठी विचारात घेतले जाणार नाहीत. मुख्य परीक्षेत मिळालेले गुण मुलाखतीसाठी निवड करण्यासाठी विचारात घेतले जातील. मुख्य परीक्षेत मिळालेले गुण + मुलाखतीत मिळालेले गुण अंतिम गुणवत्ता यादीसाठी विचारात घेतले जातील.