पारेषण कंपनीत नोकरीची मोठी संधी, विविध पदांच्या 504 जागांसाठी अर्ज प्रक्रिया सुरू
महाराष्ट्र राज्य विद्युत पारेषण कंपनी अंतर्गत विविध पदांच्या तब्बल 504 रिक्त जागा भरण्यासाठी जाहिरात प्रसिद्ध करण्यात आली आहे. त्यानुसार ऑनलाईन पद्धतीने अर्ज प्रक्रिया सुरू करण्यात आली असून इच्छुक आणि पात्र उमेदवार राज्य विद्युत मंडळाचे अधिकृत संकेतस्थळ https://www.mahatransco.in/career/active जाऊन अर्ज भरू शकतात.
eduvarta@gmail.com 
एज्युवार्ता न्यूज नेटवर्क
सरकारी नोकरीच्या शोधत असलेल्या तरुणांसाठी महत्त्वाची बातमी समोर आली आहे. महाराष्ट्र राज्य विद्युत पारेषण कंपनी (Maharashtra State Electricity Transmission Company) अंतर्गत विविध पदांच्या तब्बल 504 रिक्त जागा (504 vacancies for various posts) भरण्यासाठी जाहिरात प्रसिद्ध (Advertisement published) करण्यात आली आहे. त्यानुसार ऑनलाईन पद्धतीने अर्ज प्रक्रिया सुरू करण्यात आली असून इच्छुक आणि पात्र उमेदवार राज्य विद्युत मंडळाचे अधिकृत संकेतस्थळ https://www.mahatransco.in/career/active जाऊन अर्ज भरू शकतात. अर्ज करण्याची अंतिम मुदत ३ एप्रिल 2025 पर्यंत देण्यात आली आहे.
या भरती मोहिमेअंतर्गत अधीक्षक अभियंता, कार्यकारी अभियंता, अतिरिक्त कार्यकारी अभियंता, उपकार्यकारी अभियंता, सहाय्यक अभियंता, सहायक महाअभियंता, वरिष्ठ व्यवस्थापक, व्यवस्थापक, उपव्यवस्थापक, उच्च विभाग लिपिक, निम्न विभाग लिपिक, सहायक मुख्य सुरक्षा आणि अंमलबजावणी अधिकारी/ सहायक मुख्य दक्षता अधिकारी, कनिष्ठ सुरक्षा आणि अंमलबजावणी अधिकारी/कनिष्ठ दक्षता अधिकारी अशा एकूण 504 पदांच्या रिक्त जागा भरण्यासाठी उमेदवारांकडून अर्ज मागविण्यात आले आहेत.
वरील भरती प्रक्रियेसाठी विविध पदे भरली जाणार असल्यामुळे यासाठी शैक्षणिक पात्रता, वयोमर्यादा आणि अर्ज शुल्क वेगवेगळा आकारण्यात आला आहे. त्यामुळे अधिक आणि सविस्तर माहितीसाठी उमेदवारांनी संबंधित पदाची तपशीलवार माहिती घेण्यासाठी अधिकृत संकेतस्थळाला भेट द्यावी.
