इंडियन बँकेत शिकाऊ पदांच्या परीक्षेसाठी हॉल तिकिट प्रसिद्ध

एज्युवार्ता न्यूज नेटवर्क 

इंडियन बँकेने (Indian Bank) 28 सप्टेंबर 2024 रोजी होणाऱ्या ऑनलाइन परीक्षेसाठी (Exam) प्रवेशपत्र (Hallticket) प्रसिद्ध केले आहे. परीक्षेला बसलेले उमेदवार (Candidates) indianbank.in या अधिकृत वेबसाइटवर जाऊन नोंदणी क्रमांक/रोल क्रमांक आणि पासवर्ड/डीओबी यांसारख्या नोंदणी क्रेडेंशियल्ससह लॉग इन करून उमेदवार इंडियन बँक अप्रेंटिससाठी प्रवेशपत्र डाउनलोड करू शकतात.

1 हजार 500 रिक्त जागांवर उमेदवारांची निवड करण्यासाठी इंडियन बँक अप्रेंटिस ऑनलाइन परीक्षा (Online exam) 28 सप्टेंबर 2024 रोजी होणार आहे. जुलै 2024 मध्ये या रिक्त पदासाठी अर्ज केलेल्या उमेदवारांना आता परीक्षेला बसणे आवश्यक असणार आहे.

इंडियन बँकमार्फत देशभरातील विविध परीक्षा केंद्रांवर इंडियन बँक अप्रेंटिस ऑनलाइन परीक्षा आयोजित करणार आहे. ऑनलाइन परीक्षेत क्वांटिटेटिव्ह ॲप्टिट्यूड, रिझनिंग ॲप्टिट्यूड आणि कॉम्प्युटर नॉलेज, जनरल फायनान्शियल अवेअरनेस आणि जनरल इंग्लिश (Quantitative Aptitude, Reasoning Aptitude and Computer Knowledge, General Financial Awareness and General English) या विषयांचा समावेश आहे. 

परीक्षेत एकूण 100 गुणांसाठी 100 वस्तुनिष्ठ प्रकारचे बहुपर्यायी प्रश्न असतील. प्रत्येक विभाग पूर्ण करण्यासाठी उमेदवारांना 15 मिनिटे दिली जातील. चुकीच्या उत्तरांसाठी निगेटिव्ह मार्किंग असून  चुकीच्या उत्तरासाठी 1/4 गुण वजा केले जाणार आहे. 

प्रवेशपत्र डाउनलोड करण्यासाठी प्रथम अधिकृत वेबसाइट indianbank.in वर जा. मुख्यपृष्ठावर खाली स्क्रोल करा आणि पृष्ठाच्या तळाशी दिसणाऱ्या करिअर पर्यायावर क्लिक करा. आता "ऑनलाइन परीक्षेसाठी कॉल लेटर डाउनलोड करण्यासाठी येथे क्लिक करा" असे लिहिलेल्या लिंकवर क्लिक करा. स्क्रीनवर एक नवीन लॉगिन पोर्टल दिसेल, लॉगिन तपशील एंटर करा म्हणजे नोंदणी क्रमांक/रोल क्रमांक आणि पासवर्ड/जन्मतारीख इ तपशील भरा. इमेजमध्ये दाखवल्याप्रमाणे कॅप्चा कोड भरा आणि लॉगिन टॅबवर क्लिक करा. इंडियन बँक ॲप्रेंटिस ॲडमिट कार्ड स्क्रीनवर दिसेल. पुढील आवश्यकतेसाठी प्रवेशपत्राची प्रिंट आउट घ्या.