CET Cell : इंजिनिअरिंग ,फार्मसी अभ्यासक्रमाची प्रवेश प्रक्रिया सुरू

एज्युवार्ता न्यूज नेटवर्क 

CET Cell News : राज्य समाईक प्रवेश परीक्षा कक्षातर्फे (State Common Entrance Test Cell) इंजिनिअरिंग ,फार्मसी आणि कृषी (Engineering, Pharmacy and Agriculture)अभ्यासक्रमांच्या प्रवेशासाठी २०२५-२६ या शैक्षणिक वर्षात घेतल्या जाणाऱ्या प्रवेश पूर्व परीक्षेसाठी ऑनलाईन अर्ज नोंदणी प्रक्रिया (Online Application Registration Process for Pre Entrance Examination)सुरू झाली आहे. त्यामुळे एमएचटी-सीईटीच्या प्रतीक्षेत असलेल्या विद्यार्थ्यांची प्रतीक्षा संपली आहे.

सीईटी सेलतर्फे विविध व्यावसायिक अभ्यासक्रमांच्या प्रवेशासाठी प्रवेश पूर्व परीक्षा घेतल्या जातात. त्यासाठीचे संभाव्य वेळापत्रक सीईटी सेलने प्रसिद्ध केले होते. त्यानुसार सीईटी परीक्षा मार्च महिन्यांपासून सुरू होणार आहेत. या परीक्षांसाठीची अर्ज नोंदणी प्रक्रिया टप्प्याटप्प्याने सुरू केली जाते.आतापर्यंत एमबीए, बीएड, एमएड आणि एमपीएड, तीन वर्षे लॉ अभ्याससक्रम या अभ्यासक्रमांसाठी अर्ज प्रक्रिया सुरू करण्यात आली आहे.

इंजिनिअरिंग ,फार्मसी आणि कृषी पदवी अभ्यासक्रमांच्या प्रवेशासाठीची ऑनलाईन अर्ज करण्यास सुरूवात झाली आहे. विद्यार्थी 30 डिसेंबर ते 15 फेब्रुवारी या कालावधीत नियमित शुल्कासह अर्ज करू शकतात. तर 16 फेब्रुवारी ते 22 फेब्रुवारी या कालावधीत 500 रुपये अतिरिक्त विलंब शुल्कासह अर्ज करता येईल. तसेच विद्यार्थी 23 फेरबवारीपर्यंत ऑनलाईन शुल्क भरू शकतात. विद्यार्थी अधिक माहितीसाठी सीईटी सेलच्या संकेतस्थळावर भेट देऊ शकतात.