धक्कादायक! जिल्हा परिषद शाळेच्या शिक्षेकेचा उष्माघाताने मृत्यू
दुपारी बारा वाजता शाळा सुटल्यानंतर त्या घरी परत आल्या होत्या. दुपारी उन्हाचा तडाखा चांगलाच जाणवत होता. घरी परतल्यावर त्यांना अस्वस्थता जाणवू लागली. चक्कर येणे, अशक्तपणा येणे ही लक्षणे त्यांना दिसू लागली. त्यामुळे त्यांची प्रकृती बिघडली.
eduvarta@gmail.com 
एज्युवार्ता न्यूज नेटवर्क
तळपत्या सूर्यामुळे उन्हाचा तडाखा वाढला असून नागरिकांना उष्माघाताचा त्रास होत आहे. अहिल्यानगर जिल्ह्यात उष्माघाताने एका शिक्षिकेचा मृत्यू झाल्याची माहिती समोर आली आहे. पारनेर तालुक्यातील पिंपळगाव रोठा येथील जिल्हा परिषद शाळेच्या शिक्षिका उषा फापाळे यांचा मृत्यू झाला आहे. त्यांच्या मृत्यूमुळे अहिल्यानगर जिल्ह्यात उष्माघाताचा दुसरा बळी गेला आहे.
उषा फापाळे या जिल्हा परिषदेच्या शाळेत शिक्षिका असून नेहमीप्रमाणे त्या गारगुंडी येथे दुचाकीवरून शाळेत गेल्या होत्या.दुपारी बारा वाजता शाळा सुटल्यानंतर त्या घरी परत आल्या होत्या. दुपारी उन्हाचा तडाखा चांगलाच जाणवत होता. घरी परतल्यावर त्यांना अस्वस्थता जाणवू लागली. चक्कर येणे, अशक्तपणा येणे ही लक्षणे त्यांना दिसू लागली. त्यामुळे त्यांची प्रकृती बिघडली.
प्रकृती बिघडल्यामुळे त्यांना कान्हूर पठार येथे उपचारासाठी दाखल करण्यात आले. मात्र, प्राथमिक तपासणी नंतर डॉक्टरांनी त्यांना पुढील उपचारासाठी आलाल्यानगर येथील रुग्णालयात दाखल करण्याचा सल्ला दिला. मात्र, त्यांची प्रकृती वेगाने खालावत गेली.
पुढील उपचार सुरू होण्यापूर्वीच त्याचा मृत्यू झाला, असे ढोकेश्वर येथील ग्रामीण रुग्णालयातील आरोग्य अधिकारी डॉ ऋत्विक मस्के खिलारी यांनी दिली.
दरम्यान उष्माघाताने मृत्यू झाल्याची पारनेर तालुक्यातील ही दुसरी घटना असून सुमारे आठ दिवसापूर्वी हर्षदा चौधरी या शेतकरी महिलेचा मृत्यू झाला होता. सुमारी शेतात मका कापण्यासाठी गेलेल्या असताना त्यांना चक्कर आली होती. तसेच उपचार घेण्यापूर्वीच त्याचा मृत्यू झाला होता. त्यामुळे उष्माघाताने शिक्षिका फोपाळे यांचा दुसरा बळी गेला आहे.
