NEET घोटाळ्यावरुन खळबळ! धर्मेंद्र प्रधान राजीनामा देणार? अमित शाह यांची अचानक भेट

एज्युवार्ता न्यूज नेटवर्क 

NEET परीक्षेतील कथित घोटाळ्याने केंद्र (NEET exam scam) सरकारला मोठा राजकीय धक्का बसला आहे. जंतर-मंतरवर गेल्या महिनाभरापासून सुरू असलेले विद्यार्थी आंदोलन आज उग्र रूपात बदलले. (Demand for Dharmendra Pradhan's resignation) हजारोंच्या संख्येने एकत्रित झालेल्या विद्यार्थ्यांनी “जंतर-मंतर ते संसद” असा धडक मोर्चा काढला. शिक्षणमंत्री धर्मेंद्र प्रधान यांच्या तातडीच्या राजीनाम्याची मागणी करणाऱ्या आंदोलकांनी संसदेच्या मुख्य प्रवेशद्वारापर्यंत मुसंडी मारली. यामुळे दिल्लीत प्रचंड तणावाचे वातावरण निर्माण झाले आहे. शिक्षण मंञी धर्मेंद्र प्रधान यांनी अमित शहा याच्या अचानक भेट घेतल्याने (Due to Amit Shah's sudden visit) ते राजीनामा देण्याच्या तयारीत असल्याच्या चर्चांना उधाण आले आहे.

आंदोलकांना रोखण्यासाठी पोलिसांनी अश्रुधुराचा वापर केला. पोलिस आणि आंदोलकांमध्ये झालेल्या राड्यात काही विद्यार्थी जखमी झाल्याची माहिती समोर आली आहे. लाठीचार्ज आणि अश्रुधुरामुळे परिसरात एकच गोंधळ उडाला. विद्यार्थ्यांनी सुरक्षा व्यवस्थेला भेदत संसदेच्या गेटपर्यंत पोहोचल्याने प्रशासनाची चांगलीच धावपळ झाली. NEET घोटाळा आणि शिक्षण व्यवस्थेतील गैरव्यवहाराविरोधात विद्यार्थी सातत्याने आक्रमक होत आहेत.

तर दुसरीकडे, शिक्षणमंत्री धर्मेंद्र प्रधान यांनी गृहमंत्री अमित शाह यांची अचानक भेट घेतली. या बंद दारामागील चर्चेनंतर राजकीय वर्तुळात प्रचंड खळबळ माजली आहे. ‘धर्मेंद्र प्रधान राजीनामा देतील का?’ या चर्चेला उधाण आले आहे. NEET प्रकरणात सातत्याने वाढणारा गोंधळ आणि विद्यार्थ्यांचा आक्रोश लक्षात घेता, या भेटीला विशेष महत्त्व प्राप्त झाले आहे.

विद्यार्थ्यांनी शिक्षणमंत्र्यांच्या राजीनाम्याची मागणी तीव्र केली आहे. त्यांना तात्काळ न्याय मिळावा आणि परीक्षा प्रक्रिया पारदर्शक व्हावी, अशी प्रमुख मागणी आहे. आंदोलन अधिक तीव्र होत असताना केंद्र सरकार आणि मंत्र्यांवर दबाव वाढला आहे. या प्रकरणात पुढील काही तासांत महत्त्वपूर्ण राजकीय घडामोडी घडण्याची शक्यता व्यक्त केली जात आहे.