पुण्यात धक्कादायक घटना: इन्स्टाग्राम मैत्रीने विद्यार्थिनीचे आयुष्य उद्ध्वस्त; चौघांवर अत्याचाराचा आरोप

एज्युवार्ता न्यूज नेटवर्क

पुण्यात (Pune Crime News) एका २१ वर्षीय महाविद्यालयीन विद्यार्थिनीवर (21-year-old college student) सलग एक वर्ष लैंगिक अत्याचार (A year of sexual assault) करण्यात आल्याची धक्कादायक घटना उघडकीस आली आहे. वाघोली पोलिस स्टेशनमध्ये दाखल तक्रारीनुसार, आरोपींनी इन्स्टाग्रामवर मैत्री (Friendship on Instagram) करून तिचा गैरफायदा घेतला. बीए पहिल्या वर्षात शिकणाऱ्या या विद्यार्थिनीला वेगवेगळ्या ठिकाणी नेऊन अत्याचार केला. या प्रकरणात पोलिसांनी चारही आरोपींना अटक (All four accused arrested) केली आहे. 

आरोपींनी अत्याचार करताना पीडितेचे अश्लील व्हिडीओ तयार केले आणि त्यांना व्हायरल करण्याची धमकी देत तिला गप्प बसवले. एक वर्ष सातत्याने होणारा अत्याचार आणि मानसिक छळ सहन न झाल्याने विद्यार्थिनीने अखेर पोलिसांकडे धाव घेतली. ही घटना विमाननगर परिसरातील राहणाऱ्या विद्यार्थिनीची असून, २०२५ मध्ये तिने पुण्यातील नामांकित महाविद्यालयात प्रवेश घेतला होता. तेव्हापासून आरोपींपैकी एकाशी ओळख झाली आणि नंतर मैत्रीचे रूपांतर अत्याचारात झाले.

पोलिसांच्या प्राथमिक तपासात आरोपींनी पीडितेला विविध ठिकाणी नेऊन अत्याचार केल्याचे समोर आले. व्हिडीओ तयार करून ब्लॅकमेलिंग केल्याचेही तिने सांगितले. या प्रकरणाने पुण्यात खळबळ उडाली असून, लैंगिक अत्याचार आणि सोशल मीडियाचा गैरवापर यावर पुन्हा एकदा चर्चा सुरू झाली आहे. पोलिस अधिक तपास करत असून, आरोपींना न्यायालयात हजर करण्यात येणार आहे.

सोशल मीडियावर अनोळखी व्यक्तींसोबत मैत्री करताना काळजी घेण्याचे आवाहन तज्ज्ञांकडून करण्यात येत आहे. ही घटना इन्स्टाग्रामसारख्या प्लॅटफॉर्मवरील मैत्री किती महागात पडू शकते, याचे उदाहरण आहे. पुणे पोलिसांनी पीडितेला आवश्यक सुरक्षा आणि मदत पुरवण्याचे आश्वासन दिले आहे. प्रकरणात पुढील तपास सुरू असल्याची माहिती पोलिसांनी दिली.