रेल्वेत दहावी उत्तीर्णांना नोकरीची सुवर्णसंधी, लोको पायलटच्या 11,127 पदांच्या भरतीसाठी प्रसिद्ध
रेल्वे भरती मंडळाने जारी केलेली ही एक अधिसूचना आहे. जी उमेदवारांना आगाऊ सतर्क करण्यासाठी आणि तयारीसाठी वेळ देण्यासाठी आहे. पात्रता, परीक्षेचा नमुना आणि निवड प्रक्रियेसंबंधी सर्व प्रमुख माहिती देणारी एक सविस्तर जाहिरात लवकरच अधिकृत वेबसाइटवर प्रसिद्ध केली जाईल, असे या अधिसूचनेत म्हटले आहे.
eduvarta@gmail.com 
एज्युवार्ता न्यूज नेटवर्क
भारतीय रेल्वे विभाग (Indian Railways Recruitment) अंतर्गत असिस्टंट लोको पायलट (Assistant Loco Pilot) पदाची एकूण 11 हजार 127 रिक्त जागा भरती संदर्भात अधिसूचना प्रसिद्ध (Notification released) करण्यात आली आहे. पदासाठी इच्छुक आणि पात्र असणाऱ्या उमेदवारांकडून अर्ज मागविण्यात येत आहेत. अर्ज ऑनलाईन पद्धतीने करायचा आहे. असिस्टंट लोको पायलट भरती 2026 करीता 15 मे 2026 पासून अर्ज प्रक्रिया (The application process will begin on May 15) सुरू होईल. तर अर्ज करण्यची अंतिम मुदत 14 जून 2026 पर्यंत देण्यात आली आहे. उमेदवार अधिकृत वेबसाइट indianrailways.gov.in ला भेट देऊन अर्ज करू शकतात.
रेल्वे भरती मंडळाने जारी केलेली ही एक अधिसूचना आहे. जी उमेदवारांना आगाऊ सतर्क करण्यासाठी आणि तयारीसाठी वेळ देण्यासाठी आहे. पात्रता, परीक्षेचा नमुना आणि निवड प्रक्रियेसंबंधी सर्व प्रमुख माहिती देणारी एक सविस्तर जाहिरात लवकरच अधिकृत वेबसाइटवर प्रसिद्ध केली जाईल, असे या अधिसूचनेत म्हटले आहे.
या भरती मोहिमेअंतर्गत एकूण ११ हजार १२७ पदे भरली जातील. जी देशभरातील विविध रेल्वे झोनद्वारे भरली जाणार आहेत. पदांचे झोननिहाय सविस्तर वितरण तपशीलवार जाहिरातीमध्ये प्रसिद्ध केले जाईल. यासाठी वयोमर्यादा किमान वय १८ वर्षे आणि कमाल वय ३० वर्षे आहे. शासकीय नियमांनुसार राखीव प्रवर्गातील उमेदवारांना वयोमर्यादेत सवलत दिली जाईल.
सहाय्यक लोको पायलट पदासाठी अर्ज करणाऱ्या उमेदवारांनी मान्यताप्राप्त बोर्डातून १० वी उत्तीर्ण केलेली असावी. तसेच संबंधित ट्रेडमधील आयटीआय प्रमाणपत्र देखील आवश्यक आहे. मेकॅनिकल, इलेक्ट्रिकल, इलेक्ट्रॉनिक्स किंवा ऑटोमोबाईल इंजिनिअरिंगमधील डिप्लोमा किंवा पदवी असलेले उमेदवार देखील या भरतीसाठी पात्र आहेत.
या भरतीची निवड प्रक्रिया विविध टप्प्यांवर अवलंबून असेल. त्यासाठी सर्वप्रथम उमेदवारांना संगणक आधारित CBT-1 ही चाचणी परीक्षा द्यावी लागेल. त्यानंतर फक्त या परीक्षेत उत्तीर्ण उमेदवारांनाच CBT-2 साठी बोलावले जाईल. या दोन चाचण्यानंतर संगणक आधारित अभियोग्यता चाचणी घेतली जाईल. हे सर्व टप्पे उत्तीर्ण झालेल्या उमेदवारांना कागदपत्र पडताळणी आणि वैद्यकीय तपासणीसाठी आमंत्रित केले जाईल.
