मराठी शाळा बंद पडण्याच्या मार्गावर, भंडारा जिल्हा परिषदेच्या शाळांमध्ये शिक्षकांची 876 पदे रिक्त
भंडारा जिल्ह्यातील जिल्हा परिषदेच्या प्राथमिक आणि माध्यमिक शाळांची अवस्था सध्या बिकट आहे. अनेक शाळा अशा आहेत जिथे १-२ शिक्षकांवर पूर्ण शाळेचा डोलारा आहे. गणित, विज्ञान यांसारख्या महत्त्वाच्या विषयांना शिक्षकच नसल्याने विद्यार्थ्यांची गुणवत्ता घसरत आहे.
eduvarta@gmail.com 
एज्युवार्ता न्यूज नेटवर्क
भंडारा जिल्ह्याला तलावांचा जिल्हा म्हणून ओळखले जाते. पण आज याच जिल्ह्यात शिक्षणाचा (Bhandara Zilla Parishad School) तलाव कोरडा पडतोय की काय, अशी भयंकर परिस्थिती निर्माण झाली आहे. जिल्ह्यात 793 जिल्हा परिषदेच्या शाळा असून तब्बल 876 रिक्त पदे (876 posts are vacant) असल्याचे समोर आले आहे. ही केवळ आकडेवारी नाही, तर हजारो विद्यार्थ्यांच्या अंधारमय भविष्याची (Students' future in darkness) ही भीषण वास्तवता आहे. आता या प्रश्नावर जिल्हा परिषदेने राज्य सरकारविरोधात (Zilla Parishad aggressive) शड्डू ठोकला आहे.
भंडारा जिल्ह्यातील जिल्हा परिषदेच्या प्राथमिक आणि माध्यमिक शाळांची अवस्था सध्या बिकट आहे. अनेक शाळा अशा आहेत जिथे १-२ शिक्षकांवर पूर्ण शाळेचा डोलारा आहे. गणित, विज्ञान यांसारख्या महत्त्वाच्या विषयांना शिक्षकच नसल्याने विद्यार्थ्यांची गुणवत्ता घसरत आहे.
गेल्या अनेक महिन्यांपासून जिल्हा परिषद प्रशासन सरकारकडे या रिक्त जागा भरण्यासाठी विनंती करत आहे. मात्र, वारंवार पाठपुरावा करूनही शासनाकडून केवळ आश्वासने मिळत असल्याचा आरोप लोकप्रतिनिधींनी केला आहे. मराठी शाळा टिकवण्यासाठी आणि गरिबांच्या मुलांना दर्जेदार शिक्षण देण्यासाठी आता स्थानिक नेते आक्रमक झाले आहेत.
शिक्षण सभापती नरेश ईश्वरकर यांनी आता थेट मुख्यमंत्र्यांना आणि शिक्षण मंत्र्यांना इशारा दिला आहे. आगामी अर्थसंकल्पीय अधिवेशन ही त्यांच्यासाठी अंतिम मुदत असेल. एकीकडे सरकार 'डिजिटल इंडिया' आणि 'प्रगत शिक्षणा'च्या गप्पा मारत असताना, दुसरीकडे भंडाऱ्यासारख्या जिल्ह्यांत मूलभूत शिक्षकाअभावी मराठी शाळा बंद पडण्याच्या मार्गावर आहेत. आता सभापती ईश्वरकर यांचा हा इशारा सरकारला जाग आणणार का? की भंडाऱ्यातील विद्यार्थ्यांचे भविष्य अशाच रिक्त जागांच्या गर्तेत अडकून राहणार? हे पाहणे महत्त्वाचे ठरणार आहे.
