काकडे कॉलेजमध्ये रोजगार मेळाव्याचे आयोजन ;पात्रताधारक उमेदवारांना नोकरीची संधी 

एज्युवार्ता न्यूज नेटवर्क 

 बारामतीतील सोमेश्वर नगर-वाघाळवाडी मुगुटराव साहेबराव काकडे महाविद्यालयात येत्या २७ फेब्रुवारी २०२६ रोजी सकाळी १० वाजता पंडित दीनदयाल उपाध्याय रोजगार मेळाव्याचे आयोजन करण्यात आले आहे.या रोजगार मेळाव्याच्या माध्यमातून ३ हजार ३५ रिक्तपदे भरण्यात येणार आहे.

 जिल्हयातील औद्योगिक परिसरातील ३७ नामांकित उद्योजकांनी या मेळाव्यामध्ये सहभाग दर्शविलेला असून, त्यांच्याकडून ३ हजार ३५ रिक्तपदे भरण्यात येणार आहे. ही सर्व रिक्तपदे किमान १०वी, १२ वी पदवीधर, पदविका अशा विविध पात्रताधारक उमेदवारांसाठी असून बारामती तालुक्यातील अधिकाधिक नोकरी इच्छुक व बेरोजगार उमेदवारांना या रोजगार मेळाव्याच्या माध्यमातून नोकरीच्या विविध संधी उपलब्ध करून देण्यात येत आहेत.

इच्छुक उमेदवारांनी रिक्तपदांबाबत अधिक माहितीसाठी करुन घेण्यासोबतच अर्ज करण्याकरिता www.rojgar.mahaswayam.gov.in या संकेतस्थळाला भेट द्यावी. खाजगी क्षेत्रातील विविध रिक्तपदांच्या प्रत्यक्ष मुलाखतीसाठी अधिकाधिक नोकरीइच्छूक रोजगार मेळाव्याच्या ठिकाणी उपस्थित राहून, आपला सहभाग नोंदवावा व या सुवर्णसंधीचा अवश्य लाभ घ्यावा.

मुलाखतीस येताना उमेदवारांनी सोबत आपल्या सर्व शैक्षणिक कागदपत्राच्या छायांकित प्रती, आवश्यकतेनुसार अर्जाच्या प्रती सोबत आणाव्यात, अधिक माहितीसाठी जिल्हा कौशल्य विकास, रोजगार व उद्योजकता गार्गदर्शन केंद्र पुणे, ४८१ रास्ता पेठ, सरदार मुदलीयार रोड, पुणे ४११०११ येथे प्रत्यक्ष संपर्क  अथवा ०२०-२६१३३६०६ या दूरध्वनीवर संपर्क साधावा, असे आवाहन सहायक आयुक्त सुरेश वराडे यांनी केले आहे.