दहावी उत्तीर्णांसाठी सुवर्णसंधी, सशस्त्र सीमा बल अंतर्गत विविध पदांसाठी मोठी भरती प्रक्रिया सुरु

एज्युवार्ता न्यूज नेटवर्क

भारतीय सैन्यात भरतीस (Indian Army Recruitment) होऊ इच्छिणाऱ्या तरुणांसाठी महत्त्वाची बातमी समोर आली आहे. सशस्त्र सीमा बलात (Armed Forces) कॉन्स्टेबल ट्रेड्समन आणि ड्रायव्हर पदांसाठी एकूण ८२७ पदांची भरती (Recruitment for 827 Posts) जाहीर करण्यात आली आहे. यासाठी ऑनलाईन पद्धतीने अर्ज प्रक्रिया सुरू (Application process started) झाली आहे. अर्ज करण्याची अंतिम मुदत २० एप्रिल २०२६ पर्यंत असणार आहे. इच्छुक अन् पात्र उमेदवारांनी ssb.gov.in या अधिकृत वेबसाईटवर अर्ज करू शकतात.

या भरती मोहिमेअंतर्गत कॉन्स्टेबल ड्रायव्हर- ५५३, पदे कॉन्स्टेबल (व्हेटरनरी) -३४ पदे, कॉन्स्टेबल (गार्डनर) ४१ पदे, कॉन्स्टेबल (वॉटर कॅरियर)- ५ पदे, कॉन्स्टेबल (मोची) - २५ पदे, कॉन्स्टेबल (टेलर) - ४१ पदे, कॉन्स्टेबल (धोबी) ७४ पदे, कॉन्स्टेबल (नाव्ही) -४३ पदे, कॉन्स्टेबल (वेटर) -३ पदे, कॉन्स्टेबल (बढई) -७ पदे, कॉन्स्टेबल (नर्सिंग ऑर्डरली) १ पद अशी एकूण ८२७ पदे भरली जाणार आहेत. या भरतीसाठी उमेदवाराचे 

या पदांसाठी अर्ज करणारे उमेदवार भारतीय नागरिक असणे आवश्यक आहे. नेपाळ आणि भूतानमधील उमेदवार देखील काही विशिष्ट पदांसाठी पात्र आहेत. उमेदवारांनी मान्यताप्राप्त बोर्डातून किमान दहावी उत्तीर्ण असणे आवश्यक आहे. तसेच काही पदांसाठी अतिरिक्त कौशल्ये किंवा अनुभवाची आवश्यकता आहे. वयोमर्यादा साधारणपणे १८ ते २३ वर्षे किंवा १८ ते २७ वर्षे आहे. पदांनुसार वयोमर्यादा बदलते. 
सर्वसाधारण, ओबीसी आणि ईडब्ल्यूएस प्रवर्गातील उमेदवारांना १०० रुपये अर्ज शुल्क भरावे लागेल. मात्र, एससी, एसटी, माजी सैनिक आणि महिला उमेदवारांसाठी अर्ज शुल्क पूर्णपणे मोफत आहे.

अर्ज कसा करावा

भारतीय सशस्त्र सीमा बल या पदासाठी अर्ज करणाऱ्या उमेदवारांनी सर्वप्रथम अधिकृत वेबसाइट ssb.gov.in वर जावे. त्यानंतर तिथे असणाऱ्या “Constable Tradesman/Driver Apply” लिंकवर क्लिक करावे. ईमेल व मोबाईल नंबरद्वारे नोंदणी करा. लॉगिन करून फॉर्म भरा. आवश्यक कागदपत्रे अपलोड करा. ऑनलाइन अर्ज शुल्क भरा. फॉर्म सबमिट करून त्याची  प्रिंट आउट काढून घ्या.