खेळाडू विद्यार्थ्यांचे क्रिडा सवलतीचे प्रस्ताव १५ एप्रिलपर्यंत सादर करण्याचे आवाहन 

एज्युवार्त न्यूज नेटवर्क 

फेब्रुवारी-मार्च २०२६ मध्ये होणाऱ्या दहावी व बारावीच्या परीक्षेस (10th and 12th standard exams) प्रविष्ट होणाऱ्या खेळाडू विद्यार्थ्यांच्या क्रीडा गुण सवलतीचे प्रस्ताव (Sports Points Discount Offers) १५ एप्रिल २०२६ पर्यंत ऑनलाइन पद्धतीने सादर करावेत, असे निर्देश राज्य माध्यमिक व उच्च माध्यमिक शिक्षण मंडळाने (Board of Secondary and Higher Secondary Education) दिले आहेत. जिल्हा क्रीडा अधिकारी, पुणे यांच्यामार्फत हे प्रस्ताव विभागीय मंडळाकडे सादर करण्यात येतील. सरकारचे अधिकृत संकेतस्थळ aaplesarkar.mahaonline.gov.in वर अर्ज करता येणार आहे. 

प्रसिद्धी पत्रकानुसार, निकाल लवकर जाहीर करण्याच्या दृष्टीने क्रीडा गुण सवलतीचे सर्व प्रस्ताव १५ एप्रिलपर्यंत सादर करण्याचे आवाहन करण्यात आले आहे. प्रस्ताव केवळ ऑनलाइन पद्धतीनेच स्वीकारले जाणार आहेत. यासाठी 'आपले सरकार' पोर्टलवर विशेष प्रणाली उपलब्ध करून देण्यात आली आहे. aaplesarkar.mahaonline.gov.in या संकेतस्थळाद्वारे विद्यार्थी, शाळा व कनिष्ठ महाविद्यालयांना विहित कागदपत्रांसह अर्ज ऑनलाइन पद्धतीने सादर करता येणार आहेत. 

संबंधित कार्यपद्धती व सूचना 'यूजर मॅन्युअल' मध्ये नमूद करण्यात आल्या असून, त्यानुसारच प्रस्ताव भरावेत. प्राप्त प्रस्तावांची छाननीही ऑनलाइन पद्धतीनेच केली जाणार आहे. अर्ज भरताना तांत्रिक अडचण आल्यास १८००१२०८०४० या टोल फ्री क्रमांकावर संपर्क साधण्याचे देखील आवाहन करण्यात आले आहे.