UPSC : आयईएस आणि आयएसएस परीक्षाचे प्रवेशपत्र जाहीर
आयोगाने प्रसिद्ध केलेल्या अधिसूचनेनुसार, आयईएस आणि आयएसएस परीक्षा २० ते २२ जूनदरम्यान देशभरात घेतल्या जाणार आहेत. उमेदवारांना परीक्षा केंद्रावर ई-प्रवेशपत्राची छापील प्रत घेऊन जाणे आवश्यक असणार आहे. पोस्टाने कोणतेही प्रवेशपत्र पाठवले जाणार नसल्याचे यूपीएससीच्या वतीने स्पष्ट करण्यात आले आहे.
eduvarta@gmail.com 
एज्युवार्ता न्यूज नेटवर्क
केंद्रीय लोकसेवा आयोगाने (UPSC) भारतीय आर्थिक सेवा (IES) आणि भारतीय सांख्यिकी सेवा (ISS) या परीक्षांचे (IES, ISS Exam Admit Card) प्रवेशपत्र प्रसिद्ध (Admit card released) केले आहेत. या दोन्ही परीक्षांमध्ये सहभागी झालेल्या उमेदवारांना त्यांच्या नोंदणी प्रमाणपत्रांचा वापर करून https://upsconline.gov.in या अधिकृत वेबसाइटवरून प्रवेशपत्र डाऊनलोड करता येईल, असे यूपीएससीने स्पष्ट केले आहे.
आयोगाने प्रसिद्ध केलेल्या अधिसूचनेनुसार, आयईएस आणि आयएसएस परीक्षा २० ते २२ जूनदरम्यान देशभरात घेतल्या जाणार आहेत. उमेदवारांना परीक्षा केंद्रावर ई-प्रवेशपत्राची छापील प्रत घेऊन जाणे आवश्यक असणार आहे. पोस्टाने कोणतेही प्रवेशपत्र पाठवले जाणार नसल्याचे यूपीएससीच्या वतीने स्पष्ट करण्यात आले आहे.
असे डाऊनलोड करा प्रवेशपत्र
उमेदवारांनी सर्वप्रथम अधिकृत वेबसाइट https://upsconline.gov.in ला भेट द्यावी. त्यानंतर मुखपृष्ठावर उपलब्ध असलेल्या आयईएस आणि आयएसएस ई-प्रवेशपत्र २०२५ लिंकवर क्लिक करा. लॉगिन फील्डमध्ये जन्मतारखेसह नोंदणी आयडी प्रविष्ट करून लॉगिन केल्यानंतर स्क्रीनवर दिसणारे आयईएस आणि आयएसएस २०२५ई-प्रवेशपत्र पीडीएफ स्वरूपात डाऊनलोड करून त्यांची प्रिंट घ्यावी.
