शाळेतील मुले आणि शिक्षकाच्या त्रासाला कंटाळून, १३ वर्षीय विद्यार्थ्याची आत्महत्या..
शाळेतील इतर काही मुले आणि शिक्षकाच्या त्रासाला कंटाळून त्याने आत्महत्या केली असल्याचे त्याच्या सुसाईड नोटमुळे (Suicide note) समोर आले आहे. विघ्नेश प्रमोद पात्रा असे मृत विद्यार्थ्याचे नाव आहे.
eduvarta@gmail.com 
एज्युवार्ता न्यूज नेटवर्क
महाराष्ट्रातील कल्याणमध्ये (Kalyan Crime News) एका १३ वर्षीय मुलाने राहत्या घरी गळफास घेऊन आत्महत्या (Suicide of 13-year-old boy) केली. शाळेतील काही मुले आणि शिक्षकाच्या त्रासाला कंटाळून (Children and teacher suffering) त्याने आत्महत्या केली असल्याचे त्याच्या सुसाईड नोटमुळे (Suicide note) समोर आले आहे. विघ्नेश प्रमोद पात्रा (Vignesh Pramod Patra) असे मृत विद्यार्थ्याचे नाव आहे. मिडिया रिपोर्टनुसार, ही धक्कादायक घटना रविवारी सायंकाळी सातच्या सुमारास घडली.
विघ्नेश हा वडील प्रमोद कुमार, आई आणि बहिणीसोबत कल्याण पूर्वेतील शिवाजीनगर चिकनपाडा परिसरात राहत होते. मिळालेल्या माहितीनुसार, हा मुलगा कल्याण पूर्व भागातील एका नामांकित शाळेत आठवीच्या वर्गात शिकत होता. विघ्नेशचे वडील नेहमीप्रमाणे कामावर गेले होते तर आई व बहीण कामानिमित्त बाहेर गेल्या होत्या. त्यावेळी मुलाने राहत्या घरी गळफास घेऊन आत्महत्या केली.
विघ्नेशच्या स्कूल बॅगमध्ये एक सुसाईड नोट सापडली आहे. त्याच्या या चिठ्ठीतून मिळालेल्या माहितीच्या आधारे एक शिक्षक आणि काही मुले त्याचा छळ करत होते आणि त्यामुळेच त्याने आत्महत्या केल्याचे सांगण्यात आले आहे. कोळशेवाडी पोलिसांनी घटनास्थळ गाठून गुन्हा दाखल करून पुढील तपास सुरू असल्याची माहिती दिली.
