ठाणे महापालिकेच्या ७०८ पदांच्या भरतीचा मार्ग मोकळा, शुद्धीपत्रक प्रसिद्ध

एज्युवार्ता न्यूज नेटवर्क

ठाणे महानगरपालिकेची (Thane Municipal Corporation) अनेक दिवसांपासून रखडलेली गट 'क' आणि गट 'ड' संवर्गातील भरती प्रक्रिया अखेर मार्गी (Recruitment process finally set in motion) लागली आहे. फायरमन पदासाठी होमगार्ड उमेदवारांना ५ टक्के समांतर आरक्षण लागू करण्याबाबत महापालिकेने शुद्धीपत्रक (Municipal Corporation issues a correction sheet) काढले असून, त्यानुसार १९ पदे होमगार्ड उमेदवारांसाठी राखीव ठेवण्यात आली आहेत. या निर्णयामुळे एकूण ७०८ पदांच्या भरती (Recruitment for 708 posts) प्रक्रियेला वेग आला असून, लवकरच भरती प्रक्रिया पूर्ण होण्याची आशा निर्माण झाली आहे. 

शासनाच्या ५ फेब्रुवारी २००८ च्या निर्णयानुसार, होमगार्डमध्ये किमान तीन वर्षे सेवा केलेल्या आणि फायरमन पदासाठी आवश्यक शैक्षणिक, शारीरिक व इतर पात्रता पूर्ण करणाऱ्या उमेदवारांसाठी ५ टक्के आरक्षण लागू करण्यात आले आहे. महापालिकेने याबाबतचे शुद्धीपत्रक प्रसिद्ध केले असून, फायरमन संवर्गातील १९ पदे यासाठी राखीव ठेवण्यात आली आहेत. यामुळे अग्निशमन विभागातील पदांची भरती प्रथम मार्गी लावण्यात येणार आहे. 

या भरतीअंतर्गत फायरमनसाठी ३८१ पदे, अभियंता संवर्गातील १०७ पदे, सहाय्यक फायरमनसाठी १३ पदे आणि चालक-यंत्रचालकांसाठी २०७ पदे भरण्यात येणार आहेत. महापालिकेने यापूर्वी अर्ज केलेल्या उमेदवारांना होमगार्ड आरक्षणाचा पर्याय निवडण्यासाठी २४ ते ३० जुलै २०२६ या कालावधीत अर्ज दुरुस्तीची सुविधा दिली आहे. नवीन होमगार्ड उमेदवारांना १७ ते २३ जुलै २०२६ या दरम्यान अर्ज सादर करण्याचे आवाहन करण्यात आले आहे. 

अत्यावश्यक सेवेतील अग्निशमन आणि अभियांत्रिकी विभागातील पदांची भरती प्रथम करण्यात येईल, तर इतर संवर्गातील पदे स्वतंत्रपणे भरली जातील. या निर्णयामुळे महापालिकेतील रिक्त पदे भरण्याचा मार्ग मोकळा झाला असून, युवकांना सरकारी नोकरीची संधी उपलब्ध होणार आहे. महापालिका प्रशासनाने भरती प्रक्रिया पारदर्शक आणि वेगवान पद्धतीने पूर्ण करण्याचे आश्वासन दिले आहे.