राज्यातील ५०१२ प्राध्यापकांची पदे भरण्यास जूनपर्यंतची डेडलाइन 

एज्युवार्ता न्यूज नेटवर्क

राज्याचे उच्च व तंत्रशिक्षण मंत्री चंद्रकांत पाटील (Minister Chandrakant Patil) यांनी महाविद्यालयीन प्राध्यापकांच्या नियुक्त्या जूनपूर्वी करण्यात येणार असल्याचे विधान केले आहे. त्यामुळे खुद्द दस्तूर मंत्र्यांनी दिलेली जूनपर्यंतची दिलेली डेडलाइन (Deadline by June) प्रत्यक्षात उतरणार का? हे पाहाणे महत्त्वाचे ठरणार आहे. उच्च व तंत्रशिक्षण विभागाने (Department of Higher and Technical Education) राज्यातील महाविद्यालयातील ५०१२ प्राध्यापक पदांच्या भरतीसंदर्भातील (Recruitment of 5012 professor posts) शासन निर्णय नुकताच प्रसिद्ध केला असून, चंद्रकांत पाटील यांनी दिलेल्या शब्दाप्रमाणे प्रक्रिया पूर्ण होणार का? हे जूनपर्यंतच स्पष्ट होणार आहे.

दीर्घकाळ प्रलंबित असलेल्या प्राध्यापक भरतीमुळे उच्च शिक्षण व्यवस्थेवर ताण निर्माण झाला होता. अनेक महाविद्यालयांमध्ये तासिका तत्त्वावर अध्यापन सुरू होते. शासनाने घेतलेला हा निर्णय गुणवत्तापूर्ण शिक्षणासाठी महत्त्वाचा टप्पा ठरेल. मंत्री पाटील यांच्या सकारात्मक भूमिकेमुळे ही प्रक्रिया वेगाने सुरू झाल्याचे दिसून येत आहे. चंद्रकांत पाटलांनी यापूर्वी दिलेला शब्द जीआरच्या माध्यमातून पूर्ण केला आहे. त्यामुळे नियुक्त्याही जूनपूर्वी पूर्ण करून चालू शैक्षणिक वर्षाच्या आरंभापासून प्राध्यापक सेवेत रुजू होतील आणि त्यांनी दिलेला जूनपर्यंतचा शब्द पुन्हा एकदा प्रत्यक्षात पूर्ण होईल का? हे पाहावे लागणार आहे. 
________________________________________________

"चंद्रकात पाटील यांच्या उच्च व तंत्रशिक्षण विभागाने  ५०१२ जागांचा जीआर काढून शासनाने प्राध्यापक भरतीबाबतची आपली बांधिलकी सिद्ध केली आहे.  या निर्णयामुळे हजारो तरुणांचे स्वप्न पूर्ण होण्याची चिन्हे दिसत असून, यामुळे उच्च शिक्षण क्षेत्राला नवचैतन्य मिळणार आहे. आता नियुक्त्या सुद्धा जूनपूर्वीच देण्यात येतील आणि नव्या शैक्षणिक वर्षाच्या सुरुवातीपासूनच निवड झालेल्या प्राध्यापकांची सेवा सुरू होईल." 

-  प्रा. जोतीराम सोरटे, समन्वयक, नेट/सेट, पीएच.डी. धारक संघर्ष समिती