तलाठी भरती घोटाळा चौकशीची मागणी करणारे युवक कॉंग्रेसचे कार्यकर्ते पोलिसांच्या ताब्यात  

एज्युवार्ता न्यूज नेटवर्क 

तलाठी भरती (Talathi recruitment) परीक्षेतील  घोटाळ्याविरोधात  महाराष्ट्र प्रदेश युवक काँग्रेस आक्रमक झाली असून  या घोटाळ्याची न्यायालयीन चौकशी करावी आणि एमपीएससीच्या सर्व संवर्गातील रिक्त पदे भरण्यासाठी वाढीव जागांची नव्याने जाहिरात काढावी, या मागण्यासाठी पुण्यात उपोषणास बसणाऱ्या युवक कॉंग्रेसच्या कार्यकर्त्यांना पोलिसांनी ताब्यात घेतले. पोलिसांनी या उपोषणास परवानगी दिली नाही.त्यानंतर युवक कॉंग्रेसच्या (Youth Congress)पदाधिकाऱ्यांनी आक्रमक पवित्र घेत बालगंधर्व चौक येथे आंदोलन करण्यास सुरुवात केली त्यानंतर लगेच पोलिसांनी युवक काँग्रेसच्या पदाधिकाऱ्यांना ताब्यात घेतले. 
 
 महाराष्ट्र प्रदेश युवक कॉंग्रेसचे उपाध्यक्ष शिवराज मोरे म्हणाले, "नुकत्याच लागलेल्या या तलाठीभरतीच्या निकालात पुन्हा गोंधळ झालाय व मोठ्या प्रमाणात गैरव्यवहार झाल्याचे वारंवार समोर आले आहे. यामुळे प्रामाणिकपणे वर्षोनुवर्षे अभ्यास करणाऱ्या स्पर्धा परिक्षेच्या विद्यार्थ्यांच्या भविष्याची राखरांगोळी होत आहे. तलाठी भरती घोटाळ्यांची न्यायालयीन चौकशी होत नाही तोपर्यंत महाराष्ट्रभर युवक काँग्रेसच्या वतीने आंदोलन करण्यात येणार आहे. "

अक्षय जैन  म्हणाले, 210 आमदारांचं समर्थन असलेल्या सरकार करून विद्यार्थ्यांकडे पुराव्याची मागणी करणे म्हणजे लाजिरवाणी गोष्ट आहे. सरकारला बदनाम करू नये अन्यथा गुन्हे दाखल करण्यात येईल. असे उद्गार राज्याचे  महसूल मंत्री यांनी काढणे हे अशोभनीय आहे . स्पर्धा परीक्षेबाबत 'सिरीयस ' व्हावे आणि विद्यार्थ्यांच्या आयुष्याशी खेळणे थांबवावे. स्पर्धा परीक्षेबाबत  सरकारच्या ढिसाळ व भ्रष्ट कारभाराविरोधात परीक्षार्थींना आंदोलन करण्यास सरकार हुकूमशाही पद्धतीने मनाई जरी करत असली तरी युवक कॉंग्रेस विद्यार्थ्यांसाठी हा लढा लढणार आहे. 

आंदोलनाच्या वेळी महाराष्ट्र प्रदेश युवक काँग्रेसचे प्रदेश उपाध्यक्ष शिवराज मोरे, अक्षय जैन, प्रवीणकुमार बिरादार, प्रथमेश अबनावे, रोहन सुरवसे, अनिकेत नवले, तारीक बागवान , राहुल शिरसाट, कौस्तुभ नवले, आशुतोष जाधवराव, आनंद दुबे, भूषण रानभरे, अमोल दौंडकर, सौरभ आमराळे,प्रसाद वाघमारे, आशिष व्यवहारे, चंद्रशेखर जाधव, मेघश्याम धर्मावत,  अभिजित हळदेकर, निशांत देशमुख, अविनाश साळुंखे, प्रसन्न मोरे.  विश्वजीत जाधव,भाविका राका, गणेश उबाळे, योगेश यादव, कौस्तुभ पाटील, यांसह युवक कॉंग्रेसचे पदाधिकारी उपस्थित होते.