नो परीक्षा,नो मुलाखत थेट नोकरीची संधी; RCFL मुंबई अंतर्गत 378 जागांसाठी भरती सुरू  

एज्युवार्ता न्यूज नेटवर्क 

राष्ट्रीय केमिकल्स अँड फर्टिलायझर्स लिमिटेड (RCFL) मुंबई अंतर्गत ग्रॅज्युएट अप्रेंटिस, तंत्रज्ञ शिकाऊ, ट्रेड अप्रेंटिस पदांच्या (Graduate Apprentice, Technician Apprentice, Trade Apprentice Posts) एकूण 378 रिक्त जागा भरण्यासाठी पदांनुसार पात्र असणाऱ्या उमेदवारांकडून अर्ज मागविण्यात येत आहे. अर्ज ऑनलाईन पद्धतीने करायचा आहे. अर्ज करण्याची शेवटची तारीख 24 डिसेंबर  2024 आहे. उमेदवार आरसीएफएलचे अधिकृत संकेतस्थळ https://www.rcfltd.com/ वर जाऊन अर्ज भरू शकतात.  या भरती प्रक्रियेसाठी नो परीक्षा नो मुलाखत थेट बारावी, पदवी पदविकेत मिळालेल्या गुणांच्या आधारावर उमेदवारांची निवड केली जाणार आहे. 

आरसीएफएल द्वारे राबवण्यात येणाऱ्या भरती मोहिमेअंतर्गत ग्रॅज्युएट अप्रेंटिस पदाच्या 182 जागा, तंत्रज्ञ अप्रेंटिस पदाच्या 90 जागा आणि ट्रेड अप्रेंटिस पदाच्या 106 जागा अशा एकूण 378 जागांसाठी शिकाऊ उमेदवारांची भरती केली जाणार आहे. ग्रॅज्युएट अप्रेंटिस पदासाठी उमेदवाराने मान्यताप्राप्त विद्यापीठातून कोणत्याही शाखेची पदवी किंवा समतुल्य शैक्षणिक अहर्ता पूर्ण केलेली असणे आवश्यक आहे. 

तंत्रज्ञ अप्रेंटिस पदासाठी उमेदवारांनी संबंधित क्षेत्रातील पदविका पूर्ण केलेली गरजेची आहे. (त्यासाठी संकेतस्थळावर प्रसिद्ध करण्यात आलेली मुळ जाहिरात पाहावी). तर ट्रेड अप्रेंटिस पदासाठी उमेदवाराने बारावी पास असणे आवश्यक आहे. वरील तिन्ही पदांसाठी 50% पेक्षा अधिक गुण घेऊन उत्तीर्ण झालेले उमेदवारच यासाठी पात्र असणार आहेत. भरतीमध्ये सहभागी होणाऱ्या उमेदवाराचे वय (1 डिसेंबर रोजी) किमान  18 पेक्षा कमी नसावे, तर कमाल वय 25 पेक्षा अधिक असू नये. भरती प्रक्रियेसाठी पात्र ठरलेल्या उमेदवारांना अनुक्रमे 9 हजार, 8 हजार आणि 7 हजार असा प्रती महिना स्टायफंड मिळणार आहे.