पुण्यात जरांगे पाटलांचे आंदोलन सुरू; आयोगाने संयुक्त पूर्व परीक्षेच्या विद्यार्थ्यांसाठी काढले पत्र 

एज्युवार्ता न्यूज नेटवर्क 

महाराष्ट्र लोकसेवा आयोगामार्फत येत्या 11 जानेवारी रोजी संयुक्त पूर्व परीक्षा 2025 गट क परीक्षा घेतली जाणारा असून या परीक्षेचे प्रवेश पत्र (हॉल तिकीट ) विद्यार्थ्यांच्या लॉगिन आयडी मध्ये उपलब्ध करून देण्यात आले आहे. पुण्यात संयुक्त पूर्व परीक्षा (गट ब) साठी वयोमर्यादा वाढ करून द्यावी व जागा वाढवाव्यात या मागणीसाठी आंदोलन सुरू असताना आयोगाने गट क परीक्षेचे हॉल तिकीट उपलब्ध करून दिले आहेत.

आयोगाने प्रसिद्ध केलेल्या परिपत्रकानुसार परीक्षा कक्षात प्रवेश मिळवण्यासाठी आयोगाच्या संकेतस्थळावरून डाऊनलोड करून प्रिंट केलेले मूळ स्वरूपातील प्रवेश पत्र सोबत आणणे अनिवार्य आहे. त्याशिवाय परीक्षेस प्रवेश दिला जाणार नाही. परीक्षेच्या दिवशी ऐनवेळी अनुभवू शकणाऱ्या अडचणी अथवा आंदोलने, मोर्चे, वाहतूक समस्या अतिवृष्टी इत्यादी बाबी लक्षात घेऊन परीक्षा सुरू होण्याच्या वेळेपूर्वी किमान दीड तास आधी संबंधित परीक्षा उपकेंद्रावर उपस्थित राहणे आवश्यक आहे. प्रत्यक्ष परीक्षा सुरू होण्याच्या वेळेपूर्वी एक तास अगोदर परीक्षा कक्षातील स्वतःच्या बैठक क्रमांक वर उपस्थित राहणे अनिवार्य आहे.

MPSCच्या विद्यार्थ्यांसाठी जरांगे पाटील पुण्यात; नदीपात्रात तोबा गर्दी

परीक्षा कक्षातील अंतिम प्रवेशासाठी विहित केलेल्या वेळेनंतर कोणत्याही परिस्थितीत उमेदवारांना परीक्षा कक्षामध्ये प्रवेश दिला जाणार नाही अथवा त्या संदर्भात आयोगाची कोणत्याही प्रकारची जबाबदारी राहणार नाही. आयोगाच्या संकेतस्थळावरील उमेदवारांना सर्वसाधारण सूचना प्रवेश प्रमाणपत्रावरील सूचना तसेच आयोगाच्या संकेतस्थळावरील गाईडलाईन्स फॉर एक्झामिनेशन या सदराखाली उपलब्ध असलेल्या आयोगाच्या परीक्षांच्या वेळी उमेदवारांनी करावयाच्या कारवाईबाबत मार्गदर्शक सूचना यांचे उमेदवारांनी पालन करणे अनिवार्य आहे. प्रवेश प्रमाणपत्र मिळण्यास अडचणी उद्भवल्यास उमेदवारांनी आयोगाच्या हेल्पलाइन क्रमांक वर संपर्क साधावा.