IAS अधिकारी पूजा खेडकरचे पद झाले रद्द ; UPSC ची मोठी कारवाई
पूजा खेडकर भविष्यात कधीही IAS किंवा IPS अधिकारी होऊ शकणार नाही.
eduvarta@gmail.com 
एज्युवार्ता न्यूज नेटवर्क
प्रशिक्षणार्थी IAS अधिकारी पूजा खेडकर हिच्यावर UPSC ने मोठी कारवाई केली आहे. यूपीएससीने पूजा खेडकरचे पद रद्द केले आहे. एवढेच नाही तर भविष्यातील कोणत्याही परीक्षेला बसण्यास मनाई करण्यात आली आहे. आता पूजा खेडकर भविष्यात कधीही IAS किंवा IPS अधिकारी होऊ शकणार नाही. पूजा खेडकरच्या सर्व कागदपत्रांच्या तपासणीच्या आधारे, UPSC ने तिला CSE-2022 नियमांचे उल्लंघन केल्याबद्दल दोषी ठरवले आहे. आयोगाने निवेदन प्रसिद्ध करून या कारवाईची माहिती दिली आहे.
UPSC ने आपल्या निवेदनात म्हटले आहे की, "सर्व रेकॉर्ड तपासल्यानंतर, पूजा खेडकरने CSE-2022 च्या नियमांचे उल्लंघन केल्याचे समोर आले आहे."
मिळालेल्या माहितीनुसार, पूजा खेडकर हिच्यावर फसवणुकीचा आरोप आहे. पूजा खेडकरच्या जामिनावर आज न्यायालयात सुनावणी झाली. त्यावर सुनावणी झाल्यानंतर न्यायालयाने आपला निर्णय राखून ठेवला आहे. पुढील सुनावणी उद्या 1 ऑगस्ट रोजी देणार आहे.
दिल्ली पोलिसांच्या गुन्हे शाखेने पूजा खेडकर विरोधात गुन्हा दाखल केला होता. यूपीएसपीच्या तक्रारीनंतर पोलिसांनी ही कारवाई सुरू केली. पूजा खेडकर हिने नाव, वडिलांचे आणि आईचे नाव, छायाचित्र/स्वाक्षरी, ईमेल आयडी, मोबाइल क्रमांक बदलून बनावट ओळख निर्माण करून परीक्षा नियमांनुसार परवानगी असलेल्या मर्यादेपेक्षा जास्त प्रयत्न करण्याच्या संधीचा गैरफायदा घेतल्याचे आयोगाला तपासात आढळून आले. त्यांच्यावर चुकीची माहिती दिल्याचा आरोप आहे. गुन्हे शाखेच्या कारवाईनंतर पूजा खेडकरने अटक टाळण्यासाठी कोर्टात धाव घेतली आहे.
