नर्सिंगच्या विद्यार्थिनीवर सामूहिक बलात्कार
तेनी येथील एका नर्सिंग विद्यार्थिनीचे दिंडीगुल जिल्ह्यात अज्ञात लोकांनी अपहरण करून तिच्यावर बलात्कार केल्याचा आरोप आहे.
eduvarta@gmail.com 
एज्युवार्ता न्यूज नेटवर्क
Kolkata raped : कोलकाता येथील वैद्यकीय विद्यार्थिनीवरील बलात्कार आणि हत्येच्या घटनेने संपूर्ण देशात असंतोषाचे वातावरण निर्माण झाले असताना आता आणखी एका आरोग्य सेविकेवर बलात्कार झाल्याचे प्रकरण समोर आले आहे. तामिळनाडू राज्यातील दिंडीकल थेणी येथील नर्सिंगच्या विद्यार्थिनीवर (Nursing student) सामूहिक बलात्कार (gang raped) झाला आहे. अज्ञातांनी पीडितेचे अपहरण केल्याचे पोलिसांनी सांगितले.
दिंडीगुल जिल्ह्याचे एसपी प्रदीप यांनी याविषयी माहिती देताना सांगितले की, "तेनी येथील एका नर्सिंग विद्यार्थिनीचे दिंडीगुल जिल्ह्यात अज्ञात लोकांनी अपहरण करून तिच्यावर बलात्कार केल्याचा आरोप आहे. बलात्कारानंतर आरोपीने पीडितेला दिंडीगुल रेल्वे स्थानकाजवळ सोडून पळ काढला. जिथे तिने पोलिसांची मदत मागितली.
पीडितेला दिंडीगुल शासकीय वैद्यकीय महाविद्यालय रुग्णालयात दाखल करण्यात आले असून तिच्यावर उपचार सुरू आहेत. पोलीस अधिकाऱ्याने सांगितले की, गुन्ह्याची नोंद कारण्यात आली असून पुढील तपास सुरू आहे.
