CSIR NET परीक्षेला स्थगिती; 25 जूनला होणार होती परीक्षा 

एज्युवार्ता न्यूज नेटवर्क 

NEET UG वाद अजूनही शमलेला नाही.तसेच एनटीएने घेतलेली यूजीसी नेट परीक्षा (UGC NET Exam)अवघ्या एका दिवसात रद्द करावी लागली. त्यातच आता येत्या 25 जून ते 27 जून दरम्यान होणार सीएसआयआर यूजीसी नेट (CSIR UGC NET)परीक्षा पुढे ढकलण्यात आली आहे. ही परीक्षा सुध्दा  नॅशनल टेस्टिंग एजन्सी (NTA)  द्वारेच घेतली जाते. त्यामुळे NTA च्या कार्यपद्धतीवर पुन्हा एकदा प्रश्न चिन्ह उपस्थित केले जात आहे.

NTA ने अधिसूचना प्रसिध्द  करून परीक्षा पुढे ढकलण्यात आली असल्याचे सांगितले आहे. CSIR UGC NET परीक्षा 25 ते 27 जून 2024 या कालावधीत देशभरातील नियुक्त परीक्षा केंद्रांवर होणार होती. NTA ने प्रसिद्ध केलेल्या पत्रकानुसार, काही अपरिहार्य कारणांमुळे परीक्षा पुढे ढकलण्यात आली आहे. परीक्षेच्या तारखांचे सुधारित वेळापत्रक काही दिवसांनी अधिकृत वेबसाइट csirnet.nta.ac.in वर प्रसिद्ध केले जाईल,असे नमूद करण्यात आले आहे. 

प्रसिध्दी पत्रकात उमेदवारांना माहिती मिळविण्यासाठी वेळोवेळी अधिकृत वेबसाइटला भेट देण्याचा सल्ला दिला आहे. परीक्षा पुढे ढकलण्यासाठी किंवा परीक्षेशी संबंधित कोणत्याही प्रकारच्या समस्येसाठी एनटीएने हेल्पलाइन क्रमांक दिले आहेत, ज्यावर संपर्क साधून विद्यार्थी संपूर्ण माहिती मिळवू शकतात. उमेदवार हेल्प डेस्क नंबर - 011- 40759000 किंवा 011-69227700 किंवा csirnet@nta.ac.in वर मेलद्वारे कॉल करून माहितीसाठी संपर्क साधू शकतात.