पुणे जिल्ह्यातील शाळांना मंगळवारी सुट्टी ; जिल्हाधिकारी यांचे आदेश
जिल्ह्यात पुणे शहर, हवेली, आंबेगाव, खेड, जुन्नर, मावळ, मुळशी आणि भोर तालुक्यातील पहिली ते बारावी पर्यंतच्या सर्व शाळांना ९ जुलै रोजी सुट्टी जाहीर केली आहे.
eduvarta@gmail.com 
एज्युवार्ता न्यूज नेटवर्क
प्रादेशिक हवामान केंद्राने जिल्ह्यात ९ जुलै रोजी अति मुसळधार पावसाचा इशारा दिला असल्याने जिल्ह्यात पुणे शहर, हवेली, आंबेगाव, खेड, जुन्नर, मावळ, मुळशी आणि भोर (Pune city, Haveli, Ambegaon, Khed, Junnar, Maval, Mulshi and Bhor)तालुक्यातील पूर्व प्राथमिक व पहिली ते बारावी पर्यंतच्या सर्व शाळांना ९ जुलै रोजी सुट्टी जाहीर करण्याचे आदेश जिल्हाधिकारी डॉ. सुहास दिवसे यांनी दिले आहेत.त्यामुळे पुण्यातील शाळांना सुट्टी (school holidays in pune district)असणार आहे.
अतिवृष्टीमुळे कोणत्याही प्रकारची अनूचित घटना घडू नये. तसेच आपत्कालीन परिस्थिती निर्माण होऊन त्याचा परिणाम शालेय विद्यार्थ्यांवर होवू नये. याकरीता जिलह्यातील काही तालुक्यातील १२ वी पर्यंतच्या सर्व शाळांना मंगळवारी सुट्टी राहील. मात्र, या कालावधीत सर्व मुख्याध्यापक, शिक्षक व शिक्षकेत्तर कर्मचारी यांनी कार्यालयीन वेळेत शाळेत उपस्थित राहून स्थानिक प्रशासनाच्या आदेशानुसार आपत्ती व्यवस्थापनाचे कामकाज करावे, असेही आदेशात नमूद करण्यात आले आहे.
नागरिकांनी सावधानता बाळगावी, धबधब्याच्या ठिकाणी पर्यटनासाठी जाऊ नये. आवश्यक असेल तरच बाहेर पडावे, असे आवाहनही जिल्हाधिकाऱ्यांनी केले आहे.
