SPPU विद्यापीठात मुलीशी गैरवर्तन करणाऱ्या विद्यार्थ्यांवर गुन्हा दाखल
प्रमोद राठोड, (रा.मुलांचे वसतिगृह क्रमांक 3 , सावित्रीबाई फुले पुणे विद्यापीठ) ओंकार गोरे (रा.मुलांचे वसतिगृह क्रमांक 7 , सावित्रीबाई फुले पुणे विद्यापीठ) असे गुन्हा दाखल झालेल्या विद्यार्थ्यांची नावे आहेत.
Eduvarta
एज्युवार्ता न्यूज नेटवर्क
सावित्रीबाई फुले पुणे विद्यापीठातील मुलीची गैरवर्तन करणाऱ्या मुलांवर चतुर्शिंगी पोलीस ठाण्यात गुन्हा दाखल करण्यात आला आहे. मुलींच्या वसतिगृहात घुसखोरी केल्याप्रकरणी हा गुन्हा नोंदविण्यात आला आहे. तसेच संबंधित विद्यार्थिनीने सुद्धा पोलिसांकडे विद्यार्थ्यांविरोधात तक्रार दिली आहे.
सावित्रीबाई फुले पुणे विद्यापीठाच्या मुलींच्या वस्तीगृहासमोर रविवारी रात्री उशिरा दोन विद्यार्थ्यांनी एका विद्यार्थिनीशी गैरवर्धन केल्याची घटना घडली होती. त्यानंतर वसतिगृहातील विद्यार्थिनींनी आंदोलन केले होते. तसेच पोलीस ठाण्यात जाऊन संबंधित विद्यार्थ्यांवर कारवाई करावी, अशी मागणी करण्यात आली होती. विद्यापीठाचे कुलगुरू व विद्यापीठ प्रशासनाला या संदर्भात विद्यार्थिनींनी निवेदनही दिले होते. त्यानंतर विद्यापीठाने संबंधित विद्यार्थ्यांचा विभागातील व वसतिगृहातील प्रवेश निलंबित केला होता. आता संबंधित विद्यार्थ्यांवर गुन्हा दाखल करण्यात आला आहे.
प्रमोद राठोड, (रा.मुलांचे वसतिगृह क्रमांक 3 , सावित्रीबाई फुले पुणे विद्यापीठ) ओंकार गोरे (रा.मुलांचे वसतिगृह क्रमांक 7 , सावित्रीबाई फुले पुणे विद्यापीठ) असे गुन्हा दाखल झालेल्या विद्यार्थ्यांची नावे आहेत.
विद्यापीठातील विद्यार्थिनी व सतीगृहाबाहेर आलेली असताना या दोन विद्यार्थ्यांनी तिच्याकडे तू बाहेर का आलीस? तुझ्याकडे गेट पास आहे का? तू रात्री बाहेर बसली होती हे तुझ्या आई-वडिलांना माहिती आहे का? अशा प्रकारचे प्रश्न विचारले. तसेच विद्यापीठातील मुलींच्या वसतिगृहाच्या कार्यालयात अनधिकृतपणे घुसून कर्मचाऱ्यांबरोबर वाद घातला. त्यामुळे विद्यापीठाच्या सुरक्षा विभागातर्फे संबंधित विद्यार्थ्यांना विरोधात तक्रार देण्यात आली आहे. त्यानुसार संबंधित विद्यार्थ्यांवर गुन्हा दाखल करण्यात आला आहे.
