MPSC आंदोलनाला यश! रात्री 1 वाजता मोठ्या घडामोडी; भीमनवार सक्तीच्या रजेवर; चौकशी तुकाराम मुंढे यांच्याकडे
पुण्यात गेल्या १२ दिवसांपासून सुरू असलेले एमपीएससी परीक्षा पेपरफुटी प्रकरणातील आंदोलन अखेर यश मिळाले आहे. मध्यरात्री घडलेल्या मोठ्या घडमोडी घडल्या आहेत. एमपीएससी अध्यक्ष विवेक भीमनवार यांनी आपण ही चौकशी पूर्ण होईपर्यंत सक्तीच्या रजेवर जात असल्याचे माहिती एक्स या सोशल मिडियाद्वारे दिली. त्यानंतर विद्यार्थ्यांकडून आंदोलन मागे घेण्यात आले आहे.
Eduvarta
एज्युवार्ता न्यूज नेटवर्क
पुण्यात गेल्या १२ दिवसांपासून सुरू असलेले एमपीएससी परीक्षा पेपरफुटी प्रकरणातील आंदोलन अखेर यश मिळाले आहे. मध्यरात्री घडलेल्या मोठ्या घडमोडी घडल्या आहेत. एमपीएससी अध्यक्ष विवेक भीमनवार यांनी आपण ही चौकशी पूर्ण होईपर्यंत सक्तीच्या रजेवर जात असल्याचे माहिती एक्स या सोशल मिडियाद्वारे दिली. त्यानंतर विद्यार्थ्यांकडून आंदोलन मागे घेण्यात आले आहे. एमपीएससीच्या अध्यक्षांचा राजीनामा घ्या या मुख्य मागणीसाठी विद्यार्थी रस्त्यावर उतरले होते. मंत्री शिवेंद्र राजे यांनी विद्यार्थ्यांशी चर्चा केल्यानंतर हे आंदोलन यशस्वीपणे संपवण्यात आले. सरकारने चौकशी समिती स्थापन करण्याची घोषणा केली असून, त्या समितीच्या अहवालानुसार पुढील कारवाई होईल, असे आश्वासन मंत्र्यांनी दिले. चौकशी समितीच्या सचिवपदी तुकाराम मुंढे यांची नियुक्ती करण्यात आली आहे. ही मागणी विद्यार्थ्यांनीच केली होती आणि सरकारने ती स्वीकारली.
एमपीएससीचे अध्यक्ष भीमनवार यांनी ट्विटरवर पोस्ट करून स्पष्ट केले की, राज्य सरकारने न्यायालयीन चौकशीची घोषणा केली आहे. मी माझ्या संपूर्ण आयुष्यात नैतिकतेला कायम प्राधान्य दिले. त्यामुळे ही चौकशी पूर्ण होईस्तोवर पदावर कार्यरत न राहता या कालावधीत रजेवर जाण्याचा निर्णय घेतला आहे. एमपीएससीची स्वायत्तता, विश्वसनीयता आणि विद्यार्थीहिताला कायम माझे प्राधान्य होते आणि यापुढेही असेल, असे त्यांनी म्हटले. या निर्णयामुळे विद्यार्थ्यांच्या मागणीला बऱ्याच अंशी प्रतिसाद मिळाला आहे.
आंदोलनाचा चेहरा बनलेल्या विवेकानंद पाटील यांनी सरकारच्या उशिरा चर्चेला आलेल्या भूमिकेवर टीका केली. सरकार पहिल्या दिवशी चर्चेला आले असते तर दुसऱ्या दिवशी आंदोलन संपले असते. सरकारकडून १० दिवसांनी जाग येते हे आमचे दुर्दैव आहे. मुंगी मेली तरी सरकारला जाग यायला पाहिजे, असे त्यांनी सांगितले. मात्र आता चौकशी पारदर्शक व्हावी यासाठी तुकाराम मुंढे यांची नियुक्ती झाल्याने आंदोलन तत्वता थांबवण्यात आले असल्याचे त्यांनी जाहीर केले.
एमपीएससी पेपरफूट प्रकरणात राज्य सरकारने न्यायालयीन चौकशीची घोषणा केली आहे. मी माझ्या संपूर्ण आयुष्यात नैतिकतेला कायम प्राधान्य दिले. त्यामुळे ही चौकशी पूर्ण होईस्तोवर पदावर कार्यरत न राहता या कालावधीत रजेवर जाण्याचा निर्णय मी घेतला आहे. एमपीएससीची स्वायत्तता, विश्वसनीयता आणि विद्यार्थीहिताला कायम माझे प्राधान्य होते आणि यापुढेही असेल. जयहिंद ! जय महाराष्ट्र !????
— Vivek Bhimanwar, IAS (@bhimanwar) October 11, 2026 ">
एमपीएससी पेपरफूट प्रकरणात राज्य सरकारने न्यायालयीन चौकशीची घोषणा केली आहे. मी माझ्या संपूर्ण आयुष्यात नैतिकतेला कायम प्राधान्य दिले. त्यामुळे ही चौकशी पूर्ण होईस्तोवर पदावर कार्यरत न राहता या कालावधीत रजेवर जाण्याचा निर्णय मी घेतला आहे. एमपीएससीची स्वायत्तता, विश्वसनीयता आणि विद्यार्थीहिताला कायम माझे प्राधान्य होते आणि यापुढेही असेल. जयहिंद ! जय महाराष्ट्र !????
— Vivek Bhimanwar, IAS (@bhimanwar) October 11, 2026
विद्यार्थी राजीनाम्याच्या मागणीवर ठाम आहेत. चौकशीत दोषी आढळल्यास संबंधित व्यक्तीला जेलमध्ये टाकावे आणि अभय वाघला संरक्षण देऊ नये, अशी त्यांची मागणी आहे. अभय वाघ हाच पेपरफुटीचा सूत्रधार असल्याचा आरोप विद्यार्थी करीत आहेत. ६० दिवसात चौकशी पूर्ण व्हावी, अशीही अट त्यांनी घातली आहे. मी तसेही करिअर दावणीला लावले आहे. ६१व्या दिवशी पुन्हा रस्त्यावर येईन, असा इशाराही विद्यार्थ्यांनी दिला आहे.
या संपूर्ण प्रकरणामुळे एमपीएससीच्या विश्वसनीयतेवर प्रश्नचिन्ह निर्माण झाले होते. विद्यार्थ्यांच्या एकजूट आणि सातत्यपूर्ण आंदोलनामुळे सरकारला चौकशीची प्रक्रिया सुरू करावी लागली. आता चौकशी समितीचे काम पारदर्शक आणि वेळेत पूर्ण होणे अपेक्षित आहे. विद्यार्थी संघटनांनी सांगितले की, चौकशीच्या निकालावर लक्ष ठेवले जाईल आणि न्याय मिळाल्याशिवाय ते थांबणार नाहीत. या घटनेने राज्यातील स्पर्धा परीक्षांच्या प्रक्रियेत सुधारणा करण्याची गरज अधोरेखित केली आहे.
