.. अशी असेल सीबीएसई बोर्डाची गणित विषयाची प्रश्नपत्रिका

एज्युवार्ता न्यूज नेटवर्क 

सेंट्रल बोर्ड ऑफ सेकंडरी एज्युकेशनेने (Central Board of Secondary Education CBSE) दहावी परीक्षेचे डेटशीट जाहीर केले आहे . CBSE दहावीच्या परीक्षा फेब्रुवारी 2025 पासून सुरू होत आहेत. दरम्यान सीबीएसई ने बोर्डाच्या अधिकृत वेबसाइटवर गणित विषयाची नमूना प्रश्नपत्रिका प्रसिद्ध केली आहे. (Sample question paper for Mathematics has been released) त्यानुसार गणिताचा पेपर एकूण 5 विभागात विभागलेला आहे. यामध्ये एकूण 38 प्रश्न विचारले जाणार आहेत.
विभाग A: CBSE बोर्डाची 10वी गणिताची परीक्षा एकूण 80 गुणांसाठी घेतली जाणार आहे. पहिल्या विभागात एकूण 20 बहुपर्यायी प्रश्न असतील. प्रत्येक प्रश्नासाठी एक गुण दिलेला आहे. म्हणजेच या विभागाला एकूण 20 आहेत.  

विभाग B : गणिताच्या पेपरमधील दुसरा विभाग लघु  उत्तरांच्या प्रश्नांचा असेल. यामध्ये एकूण ५ प्रश्न असतील. प्रत्येक प्रश्नासाठी 2 गुण विहित केलेले आहेत. हा विभाग एकूण १० गुणांसाठी असेल. या विभागात प्रत्येक प्रश्नाचे उत्तर 30 ते 50 शब्दांमध्ये द्यावे लागेल.

विभाग C : तिसऱ्या विभागात 6 छोटे प्रश्न असतील. यामध्ये प्रत्येक प्रश्नासाठी तीन गुण निश्चित करण्यात आले आहेत. या प्रकरणात, संपूर्ण विभाग एकूण 18 गुणांसाठी असेल. या विभागातील प्रश्नांची उत्तरे 50 ते 80 शब्दात लिहावी लागतील.

विभाग D: CBSE बोर्डाच्या 10वीच्या गणित परीक्षेतील चौथ्या विभागात 4 सविस्तर  उत्तरांचे प्रश्न असतील. यामध्ये प्रत्येक प्रश्नासाठी ५ गुण विहित केलेले आहेत. या विभागात वेळ घेणारे प्रश्न असतील. हा विभाग एकूण २० गुणांचा असेल.

विभाग E : पेपरच्या शेवटच्या विभागात 3 प्रश्न असतील. यामध्ये केस स्टडी प्रश्न असतील. या विभागात प्रत्येक प्रश्नासाठी ४ गुण दिलेले आहेत. हा  विभाग 12 गुणांचा असेल.