विद्यार्थ्यांने ओढले शिक्षिकेला प्रेमाच्या जाळ्यात; अश्लील व्हिडिओची धमकी देत केली ५ लाखांची मागणी
छञपती संभाजीनगर जिल्ह्यातून एक धक्कादायक प्रकार समोर आला आहे. एका खासगी महाविद्यालयातील विवाहित शिक्षिकेला एका विद्यार्थ्याने प्रेमाच्या जाळ्यात अडकले. त्यानंतर तिच्यासोबतचे खासगी आणि अश्लील व्हिडिओ व्हायरल करण्याची धमकी देत पाच लाख रुपयांची मागणी केल्याप्रकरणी गंगापूर पोलीस ठाण्यात गुन्हा दाखल करण्यात आला आहे.
Eduvarta
एज्युवार्ता न्यूज नेटवर्क
छञपती संभाजीनगर जिल्ह्यातून एक धक्कादायक प्रकार समोर आला आहे. एका खासगी महाविद्यालयातील विवाहित शिक्षिकेला एका विद्यार्थ्याने प्रेमाच्या जाळ्यात अडकले. त्यानंतर तिच्यासोबतचे खासगी आणि अश्लील व्हिडिओ व्हायरल करण्याची धमकी देत पाच लाख रुपयांची मागणी केल्याप्रकरणी गंगापूर पोलीस ठाण्यात गुन्हा दाखल करण्यात आला आहे. आरोपी चेतन राठोड याच्याविरुद्ध पिडीत शिक्षिकेने फिर्याद दिल्यानंतर पोलिसांनी कारवाई सुरू केली आहे. हा प्रकार मागील पाच वर्षांपासून सुरू असल्याचे पोलिसांनी सांगितले.
आरोपी चेतन राठोड ज्या महाविद्यालयात शिकत होता, तिथे पिडीत शिक्षिका अधिव्याख्याता म्हणून कार्यरत होती. तिच्या बदलीनंतर चेतनने तिच्याशी ओळख वाढवून संबंध प्रस्थापित केले आणि तिच्या असहाय्यतेचा फायदा घेत खासगी व अश्लील व्हिडिओ रेकॉर्ड केले. त्यानंतर त्याने महाराष्ट्राबाहेर एक आठवडाभर ट्रीपला येण्यासाठी आग्रह धरला. शिक्षिकेने नकार दिल्यानंतर त्याने संबंधाची माहिती, व्हिडिओ कॉल्स आणि चॅट्स कुटुंबाला दाखवण्याची धमकी देण्यास सुरुवात केली.
ट्रीपला नकार दिल्यानंतर चेतनने पाच लाख रुपयांची मागणी केली. पैसे देण्यासही नकार दिल्याने त्याने पिडीतेच्या बहिण आणि वहिणीला सर्व माहिती सांगण्याची तसेच समाजात तिच्या व कुटुंबाची बदनामी करण्याची धमकी दिली. या सततच्या मानसिक त्रासाला कंटाळून शिक्षिकेने पोलिसांकडे फिर्याद दाखल केली. आरोपीच्या धमक्यांमुळे तिच्या मानसिक आरोग्यावर गंभीर परिणाम झाला असल्याचे तिने सांगितले.
पोलिसांनी या प्रकरणाची गंभीर दखल घेत तपास सुरू केला आहे. पुढील तपास सहाय्यक पोलीस आयुक्त प्रमोद वाघ यांच्याकडे सोपवण्यात आला आहे. पोलिसांनी आरोपीच्या विरोधात योग्य कायदेशीर कारवाई करण्याचे आश्वासन दिले असून या प्रकरणात अधिक तपशील उघडकीस येण्याची शक्यता आहे. अशा प्रकारच्या गुन्ह्यांबाबत पोलिसांनी जागरूकता बाळगण्याचे आवाहन केले आहे.
