एसबीआय एसओ पदांसाठी भरती सुरू, कोणतीही परीक्षा नाही, थेट मुलाखतीद्वारे निवड

एज्युवार्ता न्यूज नेटवर्क

सरकारी नोकरीच्या शोधात असलेल्या तरुणांसाठी महत्त्वाची बातमी समोर आली आहे. भारतीय स्टेट बँकने (SBI) (SBI Recruitment) स्पेशालिस्ट ऑफिसर (SO) पदांसाठीची  (Recruitment for the post of Specialist Officer) भरती प्रक्रिया सुरू (Recruitment process begins) केली आहे. या भरतीत एकूण १२२ पदे भरण्यात येणार असून अर्ज करण्याची अंतिम तारीख १५ ऑक्टोबर २०२५ पर्यंत देण्यात आली आली आहे. इच्छुक आणि पात्र उमेदवार एसबीआयचे अधिकृत संकेतस्थळ sbi.co.in वर जाऊन ऑनलाईन पद्धतीने अर्ज करू शकतात. या भरतीसाठी कोणतीही परीक्षा घेतली जाणार नसून उमेदवारांची निवड थेट मुलाखतीद्वारे केली जाणार आहे. निवड प्रक्रिया पूर्णपणे मुलाखतीच्या आधारे होणार आहे. SBI कडून १०० गुणांची मुलाखत घेतली जाईल आणि त्याच कामगिरीच्या आधारावर अंतिम निवड केली जाईल. यावेळी कोणतीही लेखी परीक्षा घेतली जाणार नाही.

संतापजनक! AI चा वापर करून शिक्षकाचा अल्पवयीन मुलीवर लैंगिक अत्याचार

या भरतीसाठी शैक्षणिक पात्रता म्हणून उमेदवाराने मान्यता प्राप्त विद्यापीठातून पदवी किंवा पदव्युत्तर पदवीचे शिक्षण घेतलेले असणे आवश्यक आहे. तसेच उमेदवाराला बॅलन्स शीट समजणे, अप्रेझल तयार करणे, क्रेडिट प्रस्तावांचे मूल्यमापन आणि क्रेडिट मॉनिटरिंग याबाबतचे ज्ञान आणि अनुभव असणे गरजेचे आहे. यासाठी उमेदवाराचे किमान वय किमान २५ वर्षे आणि कमाल वय ३५ वर्षे निश्चित करण्यात आले आहे. सरकारच्या नियमांनुसार आरक्षित प्रवर्गातील उमेदवारांना वयात सूट देण्यात आली आहे. अनुसूचित जाती (SC) आणि अनुसूचित जमाती (ST) उमेदवारांना ५ वर्षे, ओबीसी उमेदवारांना ३ वर्षे, तर दिव्यांग उमेदवारांना जास्तीत जास्त १० वर्षांची सूट दिली जाईल.

अर्जदारांना अर्ज करताना अर्ज शुल्क भरावे लागणार आहे. हे अर्ज शुल्क भरण्यासाठी उमेदवारानी नेट बँकिंगचा वापर करावा. सामान्य, ओबीसी आणि ईडब्ल्यूएस उमेदवारांसाठी अर्ज शुल्काची एकूण रक्कम ७५० रुपये निश्चित करण्यात आले आहे. तर SC, ST आणि दिव्यांग उमेदवारांना अर्ज शुल्क पूर्णपणे माफ करण्यात आला आहे.