आजपासून मिळणार इयत्ता बारावीचे हॉल तिकीट
विद्यार्थ्यांनी मंडळाच्या https://www.mahahsscboard.in/mr या अधिकृत संकेतस्थळावर जाऊन आपले हॉलतिकीट पाहावे.
eduvarta@gmail.com 
एज्युवार्ता न्यूज नेटवर्क
इयत्ता बारावीच्या विद्यार्थ्यांसाठी (For Class XII students) अतिशय महत्त्वाची माहिती समोर आहे. महाराष्ट्र राज्य माध्यमिक व उच्च माध्यमिक शिक्षण मंडळामार्फत (Maharashtra State Board of Secondary and Higher Secondary Education) सर्व उच्च माध्यमिक शाळा/कनिष्ठ महाविद्यालयांना (All High School/Junior College) फेब्रुवारी-मार्च 2025 च्या इयत्ता बारावी परीक्षेचे हॉल तिकीट (February-March 2025 Class XII Exam Hall Ticket) ऑनलाईन पद्धतीने उपलब्ध करण्यात आले आहे.
विद्यार्थ्यांनी मंडळाच्या https://www.mahahsscboard.in/mr या अधिकृत संकेतस्थळावर जाऊन आपले हॉल तिकीट पाहावे. या संदर्भात विद्यार्थ्यांना काही तांत्रिक अडचण आल्यास उच्च माध्यमिक शाळा कनिष्ठ महाविद्यालयांनी विभागीय मंडळाकडे संपर्क साधावा, असेही राज्य मंडळामार्फत सांगण्यात आले आहे.
विद्यार्थ्यांकडून कोणतेही शुल्क आकारले जाणार नाही
सर्व उच्च माध्यमिक शाळा कनिष्ठ महाविद्यालयांनी इयत्ता बारावी परीक्षेची ऑनलाईन हॉल तिकीट प्रिंट करून विद्यार्थ्यांना द्यायचे आहेत. हॉलतिकीट ऑनलाइन पद्धतीने प्रिंटिंग करताना विद्यार्थ्यांकडून त्यासाठी कोणतेही शुल्क आकारू नये. सदर हॉल तिकीटाची प्रिंट काढून त्यावर मुख्याध्यापक/प्राचार्य यांनी स्वाक्षरी करावी. ज्या आवेदनपत्रांना पेड (Paid) असे स्टेटस प्राप्त झाले आहे त्यांचेच हॉलतिकीट “पेड स्टेटस एडमिट कार्ड” या पर्यायाद्वारे उपलब्ध होतील. यांसह आणखी काही सूचनाही राज्य मंडळाचे सचिव देविदास कुलाळ यांनी परिपत्रकाद्वारे दिल्या आहेत.
