#CUET UG Exam : पुन्हा परीक्षा होणार; एनटीएची घोषणा

एज्युवार्ता न्यूज नेटवर्क 

नॅशनल टेस्टिंग एजन्सीने (NTA) कॉमन युनिव्हर्सिटी एंट्रन्स टेस्ट अंडरग्रेजुएट परीक्षा (CUET UG 2024) पुन्हा घेतली जाणार आहे. एजन्सीने या संदर्भात अधिकृत माहिती प्रसिद्ध केली आहे. अधिसूचनेनुसार, ज्या उमेदवारांनी (candidates) एनटीएकडे ३० जूनपर्यंत परीक्षेत येणाऱ्या अडचणींबाबत तक्रार (Complaint about difficulties faced in examination) केली होती आणि 7 ते 9 जुलै या कालावधीत परीक्षेच्या उत्तरपत्रिकेबाबत (Exam answer sheets) ज्या उमेदवारांनी तक्रार (Candidates complain) केली होती, त्यांचीच पुनर्परीक्षा (re-examination) घेतली जाईल. एजन्सीने अशा सर्व उमेदवारांना त्यांच्या संबंधित विषयाच्या कोडसह स्वतंत्र माहिती पाठवली आहे.

एनटीएने CUET UG 2024 च्या पुनर्परीक्षेबाबत जारी केलेल्या अधिसूचनेमध्ये, 19 जुलै रोजी पुनर्परीक्षा घेण्यात येईल असे जाहीर केले आहे. तसेच, या उमेदवारांना पुनर्परीक्षेत बसण्यासाठी नवीन हॉल तिकीट दिले जाणार आहे. अधिसूचनेनुसार, उमेदवार लवकरच त्यांचा अर्ज क्रमांक आणि जन्मतारीख तपशील भरून  https://exams.nta.ac.in/CUET-UG/ या अधिकृत वेबसाइटवर सक्रिय केलेल्या लिंकद्वारे सबमिट करून त्यांचेहॉल तिकीट डाउनलोड करू शकणार आहेत. तसेच CUET UG पुनर्परीक्षेचे प्रवेशपत्र लवकरच जारी केले जाणार आहे, असेही एनटीएने सांगितले आहे.

देशभरातील केंद्रीय विद्यापीठांमध्ये तसेच सहभागी राज्य, डीम्ड, खाजगी विद्यापीठे आणि संलग्न महाविद्यालयांमध्ये आयोजित पदवी स्तरावरील अभ्यासक्रमांच्या प्रवेशासाठी 15 ते 29 मे दरम्यान कॉमन युनिव्हर्सिटी प्रवेश परीक्षेचे आयोजन करण्यात आले होते. या परीक्षेसाठी 13.48 लाख उमेदवारांनी नोंदणी केली आहे.

एनटीएद्वारे, CUET UG 2024 रीटेस्ट आयोजित करण्याच्या घोषणेपूर्वी, देशभरातील उमेदवार या परीक्षेच्या निकालाकडे वाट पाहत होते, हा निकाल विविध माध्यमांच्या अहवालांमध्ये गेल्या आठवड्याच्या अखेरीस प्रसिद्ध होण्याची अपेक्षा होती मात्र, आता फेरपरीक्षेनंतरच निकाल जाहीर होणार आहेत. अहवालानुसार, NTA आता 22 जुलै रोजी CUET UG निकाल 2024 जाहीर होण्याची शक्यता आहे.