HPCL मध्ये रिसर्च असोसिएट पदभरतीसाठी अधिसूचना प्रसिद्ध

एज्युवार्ता न्यूज नेटवर्क 

हिंदुस्तान पेट्रोलियम कॉर्पोरेशन लिमिटेडने (HPCL) त्यांच्या अधिकृत वेबसाइटवर फिक्स्ड टर्म रिसर्च असोसिएटच्या (FTRA) पदांच्या भरतीसाठी (recruitment) अधिसूचना प्रसिद्ध केली आहे. इच्छुक आणि पात्र उमेदवार (Candidates) 30 सप्टेंबर 2024 पर्यंत ऑनलाइन पद्धतीने अर्ज करू शकतात. बायोसायन्स, मायक्रोबायोलॉजी किंवा बायोटेक्नॉलॉजी या विषयात पीएचडी केलेल्या (PhD in Bioscience, Microbiology or Biotechnology) आणि संशोधन क्षेत्रात (field of research) आपले करिअर घडवू इच्छिणारे उमेदवार या भरतीसाठी अर्ज करू शकतात. 

HPCL FTRA भर्ती 2024 साठी, उमेदवाराला बायो सायन्स, मायक्रोबायोलॉजी किंवा बायोटेक्नॉलॉजीमध्ये पीएचडी पदवी असणे अनिवार्य आहे. हे पद संशोधन क्षेत्राशी संबंधित आहे, त्यामुळे उमेदवाराची शैक्षणिक पात्रता आणि संशोधन अनुभवाला विशेष महत्त्व असेल. या भरतीसाठी अर्ज करणाऱ्या उमेदवारांचे वय 30 सप्टेंबर 2024 रोजी 32 वर्षांपेक्षा जास्त नसावे. सरकारी नियमांनुसार, OBC (नॉन क्रीमी लेयर), SC/ST आणि PWD उमेदवारांना वयात सवलत दिली जाईल.

रिसर्च असोसिएट पदांसाठी निवडलेल्या उमेदवारांना दर महिन्याला रु. 65,000 ते रु. 85,000 पर्यंत स्टायपेंड मिळेल. उमेदवाराची शैक्षणिक पात्रता आणि अनुभवाच्या आधारे हा स्टायपेंड निश्चित केला जाईल. या भरती अंतर्गत, निवडलेल्या उमेदवारांना ठराविक कालावधीसाठी संशोधन प्रकल्पांवर काम करण्याची संधी मिळेल.अधिक तपशीलांसाठी, उमेदवार अधिकृत साइटची मदत घेऊ शकतात.

HPCL FTRA भरतीचा अर्ज करण्यासाठी उमेदवारांनी प्रथम HPCL च्या https://hindustanpetroleum.com/ या अधिकृत वेबसाइटवर जावे.आता उमेदवाराच्या होमपेजवर HPCL भर्ती 2024 च्या लिंकवर क्लिक करा. त्या नंतर आवश्यक तपशील भरा आणि शैक्षणिक पात्रता आणि अनुभवाशी संबंधित कागदपत्रे अपलोड करा. उमेदवारांनी सर्व माहिती भरल्यानंतर अर्ज सबमिट करावा. उमेदवारांनी अर्ज डाउनलोड करावा. शेवटी, उमेदवारांनी अर्जाची एक प्रिंटआउट घ्यावी.